إزاى تغير حياتك ولو لـ 1 % للأفضل !

[walaa farouk]

2017 ' .. غير كل توقعاتك ، مش هيحصل فيها إللي أنت عايزة طول ما أنت مستني ظروفها وأيامها تكون أفضل من ' 2016 ' والسنين إللي فاتت من حياتك .

خد بداية السنة دي مجرد نقطة هتبدء منها إنك تتغير ورتب أولوياتك !

أولًا .. الصلاة ، أبدء بيها حبل الوصال بينك وبين ربنا هيقوي وهيقويك إنك تعمل كل حاجة بعدها بمنتي السعادة و الراحة النفسيه .

ثانيًا .. عد أصحابك ، مين منهم كان جمبك وقت حزنك وهون عليك أيامك وكان وما زال سندك ، ومين هتعتبرة تجربة وعدت .. وتتعلم من علاقتك بيه .

ثالثًا .. دراستك ، مش محتاجة منك غير الصبر وتذكر هدفك والحلم إللي بتسعي ليه كل ما تشعر إنك زهقت منها ومش طايق تفتكرها ، شهادتك هتفرق معاك كتير .

رابعًا .. الناس ، الناس مش هتفيدك في شيء ، هيحبطوك هيكسروا كل طرق النجاح قدامك ، متسمعش للناس ، متفتكرش كلامهم وتخليه يأثر عليك بإنك تكسل عن تحقيق حلمك .

خامسًا .. نفسك ، خليك مؤمن بيك ، إنك قادر ، إنك هتقدر ، إنك قدرت ، أنت لوحدك سند نفسك ، إن وقعت أيدك هي اللي تتمدلك ، طالما أمنت بنفسك حلمك هينجذب ليك .

كل خطوة من دول هي أنت ، أشياء بسيطه هتغير منك للأفضل ، هتخليك شخص أنت تتمنه تكونه من دلوقت ، مفيش حاجة مبتتغيرش ، والفرصه مبتجيش ، الفرصه بتتخلق ، خلي ' 2017 ' نقطة بداية ليك .. مش محطة انتظار لشيء مش هيحصل غير لما أنت تخلقه بخيالك وإيمانك بنفسك وتعبك فيه !