نقطة ضعفك قويهااااااااااا

[شيرى2]

قطة ضعفك قويهااااااااااا


هل يوجد إنسان بدون نقطة ضعف ؟
بالتأكيد كل إنسان فينا عنده على الاقل نقطة ضعف واحده فهل تعرف نقطة ضعفك ؟
ياريتك تواجه نفسك عشان تقدر تعرف نقط ضعفك وبكده تقدر تتغلب عليها او حتى تتجنبها
وطبعا نقط الضعف كتيير وممكن تيجى من ظروف التنشأه الغلط او العوامل المحيطه او حتى التقليد الاعمى
ذى مثلا شاب يكون حاسس دايما بصغر النفس لأنه اقل من اصحابه سواء ماديا اوحتى معنويا واخر يكون بيبص على إللى فى إيد غيره وبدل مايشكر ربنا على اللى عنده يفضل يلعن الظروف ويلوم ربنا انه اقل شويه من غيره

ياريتك تفكر بطريقه تانيه لان الانسان لا يقدر بكمية الفلوس اللى عنده لكن بشخصه الوقور ومدى ارتباطه بربنا والكنيسه وياريتك فى الماديات تبص على اللى اقل منك عشان تشكر ربنا على اللى عندك وفى الروحيات تبص على اللى اعلى منك عشان تغيير منه وتحاول توصل له

وممكن تكون نقطة ضعفك شخصيتك الضعيفه يعنى دايما منقاد وراء اصحابك حتى فى الغلط ومتأدرش تقول لالالالا ذى يوسف العفيف لما قال لزوجة فوطيفار كيف أفعل هذا الشر العظيم واخطىء الى الله ،امتحنوا كل شىء وتمسكوا بالحسن (1 تس 5 : 21 )
وفى ناس عكس كده يعنى شخصيتها متسلطه ومش ممكن تسمع غير صوتها وشايفه دايما انها اصح من الكل عشان كده لا تحب المشوره او حتى تتناقش مع اصحابها
ومن بعض الضعفات( التأجيل ) إذا كان فى التوبه او الصلاه او حتى حضور القداسات ودى طبعا خدعه كبيره من عدو الخير وممكن يدخل تحت الضعفات ( الغضب & العصبيه / الكذب / الرياء / النميمه / الغيره / عدم الإحتمال أوعدم الأعتزار فى الخطأ )

ياريتك تقعد مع نفسك وبعد ماتعرف نقط ضعفك تكلم ربنا وتقوله بصراحه انا مأدرش اتغير من غيرك وانا واثق مهما كانت حالتى انت يارب تقدر تغيرنى لأنك تستطيع كل شىء ولا يعسر عليك امر ارجوك يارب ارشدنى وعلمنى واعطينى الحكمه اللى تخلينى شخصيه سويه ومحبوبه تقدر ظروف الغير تحتمل وتصبر & تسامح وتخدم ويكون مبدأها المحبه وبقوه مهما كان رد الفعل ،اكرموا الجميع احبوا الاخوه خافوا الله ( 1بط 2 :17 )

منقول