ياتري أيه الحقيقه؟؟؟؟؟؟

[Rena Jesus]

كل يوم بننصدم ف شخصيات عارفينها ...
ياتري ده بيبقي سوء اختيار مننا ولا هما اللي بيتلونوا بوش مزيف عشان يخدعونا وبعدين يظهروا ع حقيقتهم ..؟!

[marit jesus]

ساعات كتير يارينا بيبقى النوعين
سوء اختيار مننا بنختار الاشخاص الغلط فى الوقت الغلط
وساعات اكتر بيبقى هما بيتلونوا ناس كتير شكلها العام طيبة ومخلصة ليكى وتكون علشان مصلحة معينة طبعا احنا مش عارفينها تبان انها مسالمة ومساعدة ومجرد ما يخلص الهدف اللى هما عايزينوا يسبوكى
صدقينى يارينا انا مريت باشخاص اساتذة تمثيل وياخدوا اوسكار كمان انا مش عارفة بيمثلوا ازاى كدا و تحسيها انها طيبة بافعالها وباقوالها وتحس انها بتاعت ربنا وتتقرب منك وبعد انتهاء المصلحة كانك بتشوفى شخصية تانى خالص شخصية لئيمة وانا اسفة فى التعبير وماتعرفش حاجة عن ربنا دا كان كدا قناع علشان تعرف تساير اللى قدامها الشخصية المتدينة
وكمان فى الشغل وفى الجامعة يظهروا محبين ليكى ولمساعدتك وتكتشفى انهم بيخربوا وراكى فى صميم شغلك بعد مايكونوا عرفوا طريقة شغلك ماشية ازاى
الصراحة دى وجهة نظرى

[MenA M.G]

كل معدن قابل لتغير ـ فأبحث عن ذلك الذى يتغير ببطئ
فى الاساس العيب مننا لأن :-
1/ لو خلينا ربنا يختار كل معارفنا
2/ لو ركزنا فى جوهر الانسان وبعدنا عن مظهره
مش هنتصدم فى حد ـ لأن غالباً بنكون عرفنا أدق الخبايا واختارنا الأفضل

[Mary Naeem]

لا هما بيتلونوا على حسب الطبيعية الموجودة

لغاية ما المصلحة تخلص

وبعد كدا بيبانوت على حقيقتهم

علشان كدا الواحد مش بيبني امال على أي حد

ايديك بس اللي تعتمدي عليها

شكرا يا رورو

[morcos20]

كل يوم بننصدم ف شخصيات عارفينها ...
ياتري ده بيبقي سوء اختيار مننا ولا هما اللي بيتلونوا بوش مزيف عشان يخدعونا وبعدين يظهروا ع حقيقتهم ..؟!
+
سوء إخيتـار... ومهمـا إتلونـوا واضـحين مثل شـمس النهــار
ولكنى أخجـــل أن أحرجهــم فيتمـادوا فى الخـداع بإستمرار
وسكوتنا فى خجل يفتكروا إنهم أذكياء وهم فى غباء الحمار
والجواب يبــان من عنــوانه وهـم عنــوانهم فســاد وأنهيــــار
وبإختصــار البــعد عن هـذه الأشـكال يعتبر لنـا أكـبر إنتصـــار
شكرا يارينــــا لموضـوعك الجميــل المتـــوج بجمــال الأنـــوار
+
مرقس إسـكندر مقار

[بنت معلم الاجيال]

مهما الانسان حاول يمثل هيجي وقت علية غصبن عنة القناع اللي علي وشة هيسقط و كلة هيبان و الانجيل قال ليس خفي الا و سيظهر

[ميرو]

كله
في مصلحه
وفي بيبان ع حقيقته
وفي مزيف
وفي طبعا سوء اختيار

[magy]

الأشخاص أصحاب الأقنعة والمتلونين غالباً بيكون السبب

شخصية غير سوية
أو أشخاص من طبعهم وتكوينهم عدم الوضوح
أو أشخاص مرت بمواقف معينة لذلك تلجأ ألي ارتداء الأقنعة

في النهاية ...
هؤلاء اشخاص مريضة نفسياً وتملك عقد نفسية وتحتاج إلي علاج

ليه بقي بنتصدم فيهم ؟؟
لآننا بنتعامل بطبيعتنا الطيبة وقلوبنا الصادقة ..
وننتظر من أي شخص نتعامل معه نفس نقاء القلب والعقل والنيه
ولما بنشوف الناس علي حقيقتهم بعد فترة ومع مواقف معينة
بتكون الصدمة شديدة وبنلوم نفسنا علي طيبتنا وخيبتنا
وبنفقد الثقة لفترة بالمحيطين بنا .. وبنحاول نكون حريصين في إنتقاء من نتعامل معهم

موضوع نقاش رائع يا رينا
ودايما مواضيعك حلوة وشيقة جدااا

[Rena Jesus]

ميرسى لمروركم الغالى وارأكم كلها صحيحه وواقعيه

[nasser]

شكراً يا رينا على الموضوع المهم