|
 |
 |
 |
|
رقم المشاركة : ( 1 )
21 - 03 - 2024, 09:49 PM
|
|||||||||||
|
|||||||||||
 طول ما احنا هنا ع الأرض .. هاتفضل فيه جوانا خناقة بين اتنين .. كل حد فيهم عايز حاجة عكس التاني .. عشان في الآخر نلاقي نفسنا بنعمل حاجات مش عايزين نعملها .. وللأسف .. كتير أوي مننا مش عارف هو ليه بيلاقي نفسه وقع في الغلط وهو مش عايز يعمله .. علشان كدة مهم جداً نعرف الخناقة بين مين ومين . . وازاي نخلي طرف منهم ينتصر على التاني علشان نبطل نقع في الغلط .. وده اللي نقدر نتعلمه من الكتاب المقدس اللي بيقول لنا حقيقة الخناقة دي بوضوح في الآية دي : "لأَنَّ الْجَسَدَ يَشْتَهِي ضِدَّ الرُّوحِ وَالرُّوحُ ضِدَّ الْجَسَدِ، وَهذَانِ يُقَاوِمُ أَحَدُهُمَا الآخَرَ، حَتَّى تَفْعَلُونَ مَا لاَ تُرِيدُونَ." (غل 5: 17) كل يوم هانصحى الصبح على الخناقة دي .. فمن الآخر كدة .. لو ما اتخانقناش احنا كمان مع جسمنا واللي بيطلبه ومع عينينا واللي عايزة تشوفه ولو ما ممسكناش لساننا ومانقيناش ايه اللي يدخل وداننا .. يبقى هانغلط هانغلط .. لأن ببساطة .. الخناقة مش بتخلص .. فكل واحد عايز يكمل صح مع ربنا .. لازم يبقى طرف في الخناقة دي .. لاااااااااازم! 
|
 |
|
العرض العادي
