|
 |
 |
 |
|
|
|
رقم المشاركة : ( 1 )
21 - 02 - 2020, 05:42 PM
|
|||||||||||
|
|||||||||||
|
المرأة والضغوط النفسية🥺  هو ايه حكايه الستات اللي فجأة تلاقيها بتزعق وتتعصب ومش طايقه نفسها او بتكتم في نفسها وتسكت وتبقي هتموت ومن الكتمان ممكن فجأة يجرلها حاجة واليأس باين علي ملامحها والهم والكأبه ملياها وكبرت قبل سنها وعجزت وهي لسه ف عز شبابها مع ان ده مكنش طبعها ولا اسلوبها 😥 الست لما بتوصل للمرحله دي بتكون قبلها في الغالب عملت حاجه من دول أو اكتر بكتير واستنفذت كل طاقتها *ضغطت علي نفسها كتير *حاولت ترضي كل الاطراف في البيت وفي الشغل او في علاقتها عموما *يمكن تكون بذلت مجهود كبير بس لقيت النتيجه ضعيفه فحست بإحباط وبالاجدوي *في الغالب بتكون اهملت في نفسها لدرجه انها مش لاحقه حتي تقعد مع نفسها شويه *ممكن يكون كل مسئولية البيت هي بس اللي بتتحملها ومفيش اي نوع من الدعم بيوصلها😓 *ده غير كلمات اللوم والتقليل من دورها واللي بتعمله واللي بتسمعه كل يوم وطبعا ده وجعه مش سهل #معا_ان_سهل_جدا ترضيها وتفرحها وتخليها مزهره بشكل دائم معطاءه بكل حب ورضا طاب ازاي *المرأه إحتياجاتها نفسيه زي الحب والتقدير والاهتمام والاحتواء ونتيجه لعدم تسديد الاحتياجات دي فهي تتألم ومش بتعبر عن ده 💔 _وفي الغالب سايبه جروحها تنزف جواها من غير ما تطلب مساعده زي بالظبط لما تتعور في المطبخ وتكمل تعمل الاكل وتغسل المواعين ولا تسأل في جرحها😥 *علشان كده لو فيه واحده من الستات اللي تعرفوهم بيمروا بالحاله دي الله يرضي عليكم بلاش لوم فيها اعتقد هي شبعانه لوم ونصائح بلاش تكسروها وهي اصلا مكسوره وتعاطفوا معاها وافهموها وقدروا مشاعرها وساعدوها تحب نفسها وتعرف ان من حقها تاخد بالها من نفسها وحاولوا تكونوا سند حقيقي مش مجرد خيال 😔 !! رفقا بالقوارير ❤️🙏 
|
 |
|
العرض المتطور