|
 |
 |
 |
|
رقم المشاركة : ( 1 )
30 - 07 - 2024, 06:32 PM
|
|||||||||||
|
|||||||||||
 في عيد تذكار استشهاد القديسة مارينا الشهيدة النهاردة 23 أبيب (30 يوليو). كان أبونا مكسيموس حكى لنا قبل كدة موقف مع صورة القديسة مارينا.حكى لنا كالتالي: "في مرة شفت صورة القديسة مارينا (وقتها ماكنتش صورة القديسة معروفة زي دلوقتي) عجبتني الصورة وأخدتها حطيتها في مقصورة العدرا وكل شوية كانت تعدي بنت أخدها أوريها الصورة وأقولهم ايه رأيكم في الصورة الشيطان ضعيف ولا قوي؟ حتة بنت صغيرة مسكاه ومجرجراه... شايفين الشيطان مذلول ازاي الشيطان أضعف منك.". . وبيكمل أبونا بيقول: "هزأته، كنت كل يوم أهزئه".😅 ويكمل: "لغاية ما جيه يوم كان سبت في العشية وأنا بدي البخور في المقصورة مالاقتش الصورة. فجأة لقيت الصورة في الأرض وكأن حد جاب شكوش ومكسر كل حتة في البرواز ومكسر وشها لكن وش الشيطان ماجاش جنبه". يكمل ويقول:" أول ماشفتها قلت الله يخزيك وأخدت الصورة وبروزتها تاني من الأول وقلت للشيطان هغيظك وطلعتله لساني (طبعاً كان أبونا بيقوله بطريقة مضحكة)"😜🤣☺️ ويكمل: "بقيت بجيب بنات أكتر وأوريهم الشيطان أقولهم شايفينه مذلول ازاي حتة بنت مسكاه من ودانه. لغاية ما جيه في مرة مالاقتش الصورة خالص. فضلت ألف وأدور على صورة تاني ليها مالاقتش، أصلها ماكنتش منتشرة زي دلوقتي". "لغاية ما في مرة كنت ماشي بالعربية في شارع اسكندراني (كان وقتها الشارع كان بيكون فيه أكوام زبالة) فنداني طفل وراياه وقالي يا أبونا يا أبونا صورة القديسة في الزبالة. فلما ركزت قلت له فين؟؟ قالي اهيه. فروحت لاقيتها باينة من طرف الصورة وأخدتها ونظفتها وبروزتها وحطيتها في مكان أعلى وطلعت لساني للشيطان". "وقتها حكيتها لأبونا بيشوي كامل ( الله ينيح نفسه) فقالي أصله هو جبان (على الشيطان)". كان بيقولنا تملي أن الشيطان ضعيف وجبان وطول ما أحنا ماسكين في المسيح هيفضل الشيطان مذلول في ايدينا .🤍 ربنا ينيح نفسك يا أبونا🙏🏻 👑 تذكار استشهاد الشهيدة مارينا أميرة الشهيدات 23 أبيب 
|
 |
|
العرض العادي
