زوادة اليوم : حكمة الحياة

[souad jaalouk]

زوادة اليوم : حكمة الحياة

حابب اليوم أنا وإنتو نفكر بهالنظرية: الإنسان الحكيم هوّي يلّي بيبني بيتو من الحجارة يلي بيراشقوه الناس فيها. ومين مِنّا ما بيتراشق كلّ يوم بحجارة؟ الدينونة حجر، الإنتِقاد حجر، التجريح حجر، أَهيَن شي بِهَيْك حالة إِنَّك تْلمِّ الحجر وتردّو، بس هالحلّ ما بيِبني. في موقَف تاني إِنَّك تِتخَبّا وتُلطي من الحجر وَلَكِن هالحلّ فيه جِبِن وقلّة ثقة. إِنَّما في مَوْقف تالِت بيِبنيك وبِيقَوّيك، هُوّي إِنَّك تلِمّ هالحجار وتشوف بِكلّ تَواضُع شو فِيها صحّ وتِستَفيد مِنّها لَبِناء ذاتَك، وتشوف بِكلّ تمييز شو عِنْدَك غَلَط، وإِذا لقيت الحجار غَلَط، ما تِتوَقَّف عِندها ولا تخلّيها تأثّر فيك.
الزوّادة بتقلّي وبتقلّك
إذا حاسس إنّك عم تِتراشَق بِكتير حجارة، حاول اليوم تِستَفيد مِنّها، بتِسبَق غَيْرَك بالعمار... الإنسان الذكي هوي يلّي بيشتغل بحكمة، والكسول هوّي يلّي بيعيش الحماقة، والله معكن.

[walaa farouk]

ميرسي على زوادة اليوم

[Ramez5]

ميرسى على زوادة اليوم اللى بتعلمنا الحمكة فى أمور حياتنا

[Mary Naeem]

الإنسان الذكي هوي يلّي بيشتغل بحكمة، والكسول هوّي يلّي بيعيش الحماقة، والله معكن.
ربنا يفرح قلبك

[بنتك يايسوع]

ميرسي كتير على مشاركتك الجميله
ربنا يباركك

[souad jaalouk]

ألف ألف شكر على المرور الغالي أخواتي الغاليات