|
 |
 |
 |
|
رقم المشاركة : ( 1 )
04 - 10 - 2022, 08:28 AM
|
|||||||||||
|
|||||||||||
 كلنا بييجي علينا وقت نحس فيه ان طاقتنا خلصت والحياة بقيت تقيله ومافيهاش حاجة ممتعة وكل حاجة بنعملها بقيت روتينية ومملة.. لكن الجميل ان في أمور جميلة نقدر من خلالها نجدد طاقتنا ونكمل في التزاماتنا وشغلنا بحماس وطاقة جديدة زي 1. علاقاتك الأسرية 👨👨👧 بطبيعة الحال العلاقات الحميمة في حياتنا قادرة تهون علينا حاجات كتير وتجدد طاقة الحب والقبول جوانا وتملانا برغبة في اننا نعمل احسن حاجة عندنا جرب تقضي وقت مع اسرتك او اقرب ناس في حياتك وشوف اد ايه هيفرق ايجابيا في حياتك. 2. مارس مواهبك 🎶🎵😳💅 صعب جدا على أي انسان يكون شبه الآلة اللي شغالة علطول بتعمل نفس الحاجة طول الوقت.. لكن بالعكس جدا مواهبنا وامكانيتنا هي اللي بتفكرنا اننا بشر ومبدعين وبنحس وبنفهم وبنستوعب ونتذوق بطريقة اعمق واجمل بكتير من الآلات!.. علشان كدا لو بتعرف ترسم، تعزف، تقرا، تغني، تسمع موسيقى، أو عندك اي موهبة تانية جرب تمارسها بانتظام. 3. استمتع بالطبيعة 🏕 حياتنا السريعة بصعوبة بتسمحلنا نستمتع بجمال الطبيعة حوالينا.. زي مثلا اننا نسمع صوت الشجر والعصافير عليها وصوت البحر ونتفرج على السما والجبال والحيوانات والمخلوقات المُبدعة الجميلة.. أجتهد تخلق فرص تعرف تستمتع فيها بالطبيعة حواليك. 4. خد وقت راحة 😴 حتى اكبر الآلات واكثرها تطورا لازم في وقت ترتاح وتفصل من الشغل!.. ما بالك احنا البشر اللي حياتنا اعمق بكتير من مجرد انجازاتنا وشغلنا اد ايه محتاجين نرتاح في اوقات الراحة.. ولو مش موجود محتاجين نخلقه ونرتاح فعلا عشان نقدر نكمل حياتنا بشغف وطاقة وحماس جديد 
|
|
| قد تكون مهتم بالمواضيع التالية ايضاً |
| الموضوع |
| احلي تاملات تيجي في دماغك تيجي في الصوم الكبير |
| يارب جاي بصليلك تيجى تجدد قوتي 💪 |
| إنت قادر تجدد و تحيي كل إللي مات 💔🙏 |
| جدد طاقتك دائماً |
| 7طرق تجدد طاقتك غير مشروبات الكافيين |
العرض الشجري