الاحترام و الاهتمام اهم شي ♥️♥️ في اي علاقه مش بس الزواج
(بعيدا عن قصص الحب الاسطورية اللي بقى طعمها ماسخ)
#المبهر بجد انك تدخل محل ملابس حريمي تلاقي راجل ماسك بيبي و بيلف ورا مراته و مش مكشر ولا صوته جايب اخر المحل بيسبلها .. لا مبتسم و بيقولها ادخلى قيسي يا حبيبتي مستنيكي
#الحلو في الجواز ان لما هيا بتصحى 300 مره تغير للبيبي و ترضع و تنيم يصحى هو في مرة منهم مرة واحدة بس يقولها نامي يا حبيبتي خليها عليا
#المبهر في الجواز انها تلاقيك بتساعدها في البيت والله عادي هتفضل لسه راجل برضه
#تسمعلها وانت مركز وتحترمها قدام اهلك .. بيفرق اوي مع الست ازاي بتعاملها قدام الناس مش قلة رجولة منك انك تقدرها قدام اهلك ولا انت كده هتبقى ماشي ورا مراتك .. بالعكس دي قمة الرجولة
#الفكرة مش انك عملت اللي متعملش و قررت تتجوز لا عادي حتى الحشرات بتتجوز .. الفكرة انت فعلاً تستاهل ان واحدة تسيب بيتها و اهلها اللي كرموها و احترموها و تدخل بيتك ولا لا❤️
