30 - 08 - 2012, 12:33 PM
|
|
|
|
..::| VIP |::..
|
|
|
|
|
|
الحكمة فى الزمن الصعب
للأب القمص أفرايم الأنبا بيشوى
فى المساء
وانا بتمشى قرب العشاء
همس فى ودنى فى أسي
صوت معاتب
يا أبنى حاسب
فى طريقك
حيات وعقارب
وترله بتتمخطر
وسواق مسطول
من الهوى غفى
يفرمك ويقولوا
القتيل غلطان !
وانت ماشى جنب الطريق،
حاسب انك فى الأمان.
وانت فاكر
انى انت شاطر
وانت مسافر
فى طريق الحياة
مشروع شهيد
كن مستعد
وخد منى حكمة
وخلى روحي يرشدك
.............
فى الحياة
قابلني ناس كتير
اللي بقبله يطعن فى ظهري
واللي يضحك فى وشى
ومن ورايا، عدوى بيمشى
واللي واقف فى إحتيار
ليل نهار
عاوز اللي يساعده
ياخد قرار
واللي يهاجم ،
وانا كلمه حلوه
تشفى اللي نفسه
عايشه فى مرار.
وانا فى طريقى،
عاوز ابل ريقي
من حر النهار
وشجرة وارفه
تظلل عليا
ان مكانش فيها
حلو الثمار
.........
مش عاوز أهاجر
وأسيب بلادي
وأهلي ولادي
وشمس صافيه
وعيون بريئة
من غير كلام
تقول كلام
خليك معانا
بسمه ونسمه
وإيدي ضارعه
للسماء قارعه:
أرحم وحوش
دا أحنا حملان
بين الوحوش.
ولا حتى لو حبيت أسافر
فين ههاجر
ولا سفاره
حتى بفلوس ومهاره
تديني فيزه
ولا مينا يقبلني
وان هربت من الجحيم
فى ايد التجار
فى عرض البحار
باكون طعام للسمك
فى زمن غدار
...............
قالوا الثورة قامت
وثار الثوار
عايزين حرية
ولقمة هنية
وماء نظيف
وعمل شريف
ونظام ديمقراطي
من غير فساد
راح النظام
عشان يجى نظام
يعمل خصام
ويأخد الكعكة
لجماعة مختارة
تأكلها بجدارة
فى زمن الشطارة
بالدين تجارة
والسياسة
لعبة كياسة
واللي يعارض
يقولوا عليه جاسوس
بينا مدسوس
أو علماني كافر
أو حتى فاجر
يا هول القدر
من اللي غدر
واللي يقتل هابيل اخوه
ويمشى فى جنازته
ويقول قدر.
|
