حدود العلاقات بين الإنسان والآخرين

هبه ممدوح · رقم المشاركة : ( 1 ) 14 - 11 - 2021, 05:36 PM

الحـدود
"للمعانقة وقت . وللانفصال عن المعانقة وقت " . ( جامعة 3 : 5 )
خلونا نجرب : اتنين يقربوا من بعض (مسافة 5سم) لمدة 3 دقائق (حسينا بأيه؟)
تساعد حدود العلاقات ان نعرف انفسنا (انا) وما هو (ليس انا) . عند اي نقطة انتهي انا ليبدأ الشخص الآخر .
مبدأ مهم جداً في العلاقات اسمه "الحدود" . مهما قربنا من بعض لازم يكون بيننا حدود زي البيوت لها أبواب وحرمة ، الانسان له حُرمة اهم من حُرمة البيوت .
لازم لما حد يدخل حياتي او ادخل حياته يكون فيه حدود كل واحد فينا يحترمها.
هناك حقيقتين محوريتين اساسيتين :-
1 – اننا اشخاص متفردون؛ فلا يوجد إنسان نسخة من إنسان آخر .
2 – اننا محتاجون لبعضنا البعض ، ولا نستطيع أن نحيا منعزلين .
اننا في العلاقات الصحيحة لا نطالب التطابق بدعوى الحب الشديد ، وإنما نسعى للتوافق والتكامل والتعاون؛ فنقترب من بعضنا البعض مع احترام الحدود .
نحتاج لبعض عاطفياً؛ بدون دفء المشاعر نشعر بالبرودة والوحدة تصبح الحياة بلا معنى . لكن يوجد وقت نحتاج ان نكون بمفردنا تماماً ، بعيدين قليلاً عن كل الناس .

تداخل( لا حدود ) تباعد (سدود)
تخيل لو حاكم دولة نظراً لصداقته هل من الممكن ان تعيش دولة بحدود
الحميمة بحاكم دولة مجاورة ان يزيل مغلقة مع الدول المجاورة فلا تسمح
كل الحدود الفاصلة بين الدولتين بمرور الطائرات والبواخر ولا يدخلها
غريب ولا يخرج ابنائها إلى الخارج، لا لا تورد ولا تستورد .
تُقسم الحدود إلى :-
1 – حدود الجسم :- كل واحد له دايرة حولين جسمه طول ذراع، لما حد يدخل الدايرة دي من غير اذنه أو لوقت طويل يحس بضيق ، من حقنا نعبر عن هذا الضيق مثل واحد كبير يقرب من جسم بنت بطريقة غلط علشان مكسوف توقفه .
2 – حدود الاسرار :- كل واحد له اسراره مش من حق حد يعرفها الا لو صاحبها قرر يشارك بها (في المجموعة) كل واحد يقول اللي عايزه . مش من حق اي حد يستجوب حد .
3 – حدود الاحتياجات :- ممكن نخدم بعض ونسدد احتياج بعض لكن لازم كمان نحترم احتياجاتنا احنا . لو مش قادرين نعمل أو نساعد دلوقتي نقول . ليه نيجي على نفسنا عن اللزوم؟ نتعب.
4 – حدود المشاعر :- لازم نحس ببعض . لكن كل واحد له احاسيسه لما يكون حد زعلام كويس احنا نشاركه ونزعل لزعله. لكن .. لو في حياتنا حاجات تفرح نفرح . لا نلوم نفوسنا عى مشاعرنا أو احنا زعلانين وغيرنا فرحان.
الحدود محتاجة تدريب
ساعات ميبقاش عندنا حدود خالص في العلاقات (الاسرة الكبيرة) خصوصاً لو مشاعرنا تحركت ناحية حد بنشيل كل الحدود معاها . ويمكن العكس من كتر الخوف بنعمل سدود مش حدود (بتمنع الاحساس)
الصح الحدود السليمة فيها بوابات بتسمح للمشاعر والافكار والآراء
ننتقل للثاني .لا تباعد (سدود) ولا تدخل (مفيش حدود خالص)
الحدود الصحية

تباعد (سدود) حدود صحية تداخل لا حدود
مش بأعرف انفتح على اي حد أو اشارك اي حد بأي حاجة عن نفسي لما بأتعرف حد جديد ابني الثقة معاه واحدة واحدة واشاركه على قد العلاقة ما تسمح . لما باقابل شخص جديد يمكن اقول له عن كل حاجة في حياتي من اول مرة.
مش بأفكر في احتيجات الناس خلص ، كفاية علىًّ مشاكلي واحتياجاتي انا . احاول اتجاوب مع احتياجات الناس على قدر ما بأقدر من غير ما أنسى احتياجاتي أنا. اهم حاجة عندي هو احتياج الناس لدرجة اني انسى احتياجاتي انا خالص.
مش بأقدر استقبل الحب من اي حد أو أقرّب من اي حد . الناس عايزة مصلحتها . العلاقات تحتاج إلى وقت وتفكير. الحب اختيار واعي لازم يكون فيه اقتناع مش مجرد احساس . فمع ان المشاعر مهمة لكن لازم افكر في المصلحة. بأقع في الحب من اول نظرة كل ما اشوف بنت حلوة احبها على طول/ اي شاب يقول لي كلمة حلوة اقع في حبه وابقى مش عارفة اعمل ايه.
مش بأسمع أي نصيحة أو رأي من اي حد ، انا مش محتاج/ محتاجة لحد . انا واثق في نفسي اني ممكن اعرف الصح من الغلط، هأسمع رأي الناس واختار من بيتن آرائهم اللي موافق عليه، فيه ناس بأحترمهم واثق في رأيهم وأحب اسمع نصائحهم واتعلم منهم . لا اعرف بالضبط احدد ايه هو الصح من الغلط (استنى حد يقول لي ايه الصح وايه الغلط بأحس ان ده امان اكتر .
الخلاصة :- 1 – كل بني آدم زي الدول له حدود .
2 – لازم نحترم حدود الناس ونعودهم يحترموا حدودنا . 3 – الجسد له حدود .
4 – الاسرار والاحتياجات والمشاعر لها حدود .
5 – نحتاج تدريب علشان نبطل التداخل والتباعد ونعمل حدود صحية .