جميل الروح

[walaa farouk]

لما تلاقيه ، تحلو الدنيا في عينيك ..
تلاقي الهم جري منك ، و الحيرة راحت عنك
، و النور و الفرح هل عليك ..

جميل الروح بسيط النفس ، عفيف اليد، كريم الخصال ..

لما يتكلم يفيض راحة و هدوء من غير ما يقصد
و لا يفكر و لا يحسب
، كلامه بيطلع منه سلاسل دهب تملا الروح سلام و امل و سكينة..

جميل الروح يحب يريح الكل و لو علي حساب راحته،
عايش يفكر في غيره علشان يسعده
.. لما يقعد معاك ما تبقاش عاوز القعدة تخلص من حلاوتها
، و لما يغيب يغيب عن عينك بس إنما يبقي حاضر بعذوبته في روحك..

جميل الروح ابتسامته تنور الدنيا و راحة قلبه تطمنك أن كله بخير ..

اجمل ما فيه انه "بيعديك" ، من كتر ما هو حلو
، كل ما تعاشره بيخليك حلو زيه ..

جميل الروح ده ما تفهمش بقي كده ازاي
.. ربنا فاض عليه بصفات بديعة بسبب طيبة قلبه
و امانته و حسن نواياه..

لو لقيته ، اوعي تسيبه ، و اتعلم منه علشان تكون و لو حته منه ..

[Mary Naeem]

لو لقيته ، اوعي تسيبه ، و اتعلم منه علشان تكون و لو حته منه ..

رووووووووووعة حببتي
ربنا يفرح قلبك