لاسم: ---
السن: ١٩
مواليد: 1994
حدث في 2011, كنت في ٢ ثانوي سنة ٢٠١١ و مكنتش بذاكر كويس و لكن كنت بعمل اللي ربنا يقدرني علية, كنت بصلي جامد ان البابا كيرلس يتشفعلي عند ربنا و بدون ياس لمدة شهر و كنت بطلب اني اجيب ٩٠ و اخش هندسة طيران و طبعا كل اللي ف هندسة في مصر عارفين ان هندسة طيران عاوزلها واسطة و عاوزة فوق ال ٩٩ و كمان مصاريفها قطم وسط المهم بعد الشهر دا ظهرلي البابا كيرلس و قالي عاوز اية قمت قايلة انت عارف انا عوز اية يا سيدنا ف ابتسم و مشى, بعديها ب اسبوع ظهرلي تاني و قالى متخفش هتجيب ٩٠ و هتخش هندسة طيران, المهم امتحنت و اول وعد اني اجيب ٩٠ اتحقق و فرحت اوي و مجدت البابا كيرلس, تاني وعد بقى, دخلت ٣ ثانوي و انا فاكر ان انا خلاص بقيت هندسة طيران ف بالتالي و بسبب غبائى مذكرتش خالص خالص و قلت اذاكر لية منا كدا كدا ناجح و المصيبة الاكبر اني نسيت ربنا خالص و بمعني الكلمة و افتكرت ربنا علي اخر شهر قبل الامتحانات قعدت اصلي و اقرا انجيل و اجبية ولكن مفيش حاجة حصلت لا فية اي علامة اني هنجح ولا حتي ربنا قابلني, و طبعا لان الشيطان كان بمعني الكلمة مسيطر علية كنت كل يوم قبل الامتحنات باسبوع اتخانق مع ربنا و القديسين و اقول انهم ((( مش موجودين))) و ((((( اشتمهم كلهم ))))) و حط ١٠٠ خط تحت الكلمتين دول اول كلمة يعني انا الحدت و تاني كلمة يعني بقيت في صفوف الشيطان و ربنا وحدة عارف اني كل ما بفتكر الاحداث دي بكرة نفسي اوي, المهم دخلت الامتحنات و سقت و لكن تاني يوم بعد مخلصت الامتحنات توبت توبة جامدة اوي اوي و يوم النتيجة انا كنت في دير مارمينا و البابا كيرلس و حسيت براحة رهيبة و لما عرفت النتيجة حزنت شوية بس كنت مؤمن بوعد ربنا و شكرت ربنا عشان رجعني عن اللي كنت فية بعديها بيومين ماما قعدت معايا و كلمتني و قالتلي علي حاجة كانت مخبياها و دة ان كندا وفقت علي طلب هجرتنا و بسبب نتيجتي و الاحداث اللي مصر بتمر بيها هنهاجر بعد شهر, طبعا فرحت شوية عشان اي واحد بيتمنا الهجرة و لكني حزنت برضوا عشان معني كدا اني مش هعرف ازور البابا تاني بس قبل ما اسافر ربنا فرحني بزيارتي لدير مارمينا و دير الانبا بيشوي و زرت مزار البابا شنودة و كمان خدمت خدمات مكنتش متوقع ان ممكن ربنا يسمحلي بيها, خدمت قري خدمت معاقين خدمت كبار سن خدمت اطفال الصعيد, تقريبا ربنا كان بيقولي انا مش زعلان منك انا مؤتمنك علي اولادي هنا و برا, بعد كدا سافرت و دخلت grade 12 اللي هيا ٣ ثانوى ف مصر, و لكن للاسف برضوا مكنتش عارف اذاكر بس المرة دي ليها اسباب اولا الغة غريبة علية اتنين مش عارف نظام دراستهم فا حاولت اني اذاكر بقدر المستطاع و نظام الدراسة هنا ان الطلبة بتقدم علي الكليات اللي هيا عاوزاها و من خلال درجات اول ترم بتردعليك بالموافقة او الرفض لكن لو جبت درجات حلوة ف اول ترم و الكلية قبلتك و بعد كدا درجات وحشة ف تاني ترم من حق الكلية ترفضك ف انا قدمت علي كليات كتيرة منهم وحدة بس هندسة طيران عشان مفيش غير ٥ كليات هندسة طيران متفرقين علي كندا و مفيش غير واحدة قريبة مني (٣٠ كيلو) ف قدمت عليها في نص فبراير هي و كذا كلية تانية, المهم جا يوم ٩ مارس عيد البابا كيرلس, رحت كنيسة اسمها مارمينا و البابا كيرلس و قعدت اصلي ل ربنا بشفاعت البابا و مارمينا بعديها بيوم الكلية دي هي الوحيدة اللي تقبلني بعديها بيوم و اكون تاني واحد في المدرسة اتقبل بالرغم من ان معظم اللي في المدرسة دي متفوقين, انا دلوقتي في اول سنة هندسة طيران بسبب وعد ربنا ليا علي فم ابينا البابا كيرلس و مين كان يصدق ان بعد سقوتي اوصل لفرع هندسة لا يصلة المجتهدين. طبعا انا داخل الكلية معايا ربنا و البابا كيرلس شكرا و اسف لو كنت طولت عليكوا و صلولي و ثقوا ف وعود ربنا و اعرف انة هايسمحك مهما حصل و لو جة ف بالك انة مش ممكن يسامحك اعرف ان الشيطان هو اللي بيديك الفكر دا علشان الهنا الة حب و مسامحة "لا يحتاج الأصحاء إلى طبيب بل المرضى ما جئت لأدعو أبرارًا بل خطاة إلى التوبة" (مر 17:2)
18 - 05 - 2014, 01:37 PM
رد: "لا يحتاج الأصحاء إلى طبيب بل المرضى ما جئت لأدعو أبرارًا بل خطاة إلى التوبة" (مر 17:2)
العرض المتطور