08 - 11 - 2017, 05:47 AM
|
|
|
|
..::| الاشراف العام |::..
|
|
|
|
|
|
يا واد يا تقيل !!
أمير مُعجب بأميرة ,, و أميرة برضه مُعجبه بأمير ..
أمير بيحاول يعبر عن اعجابه ده , علي عكس أميرة اللي بتتعمد تبين لأمير انها مش مهتمه او مش واخده بالها منه ,,
أصل أميرة بتحاول " تتقل " علي أمير ... !
اللي بتعمله أميرة ده أسمه الـ Scarcity Principle (مبدأ الندرة ) ..
الأنسان بطبعه بيحب الحاجات النادره , الحاجات اللي صعب يوصل لها ,
الحاجات اللي ( بتتقل ) عليه ! ..
أميرة بتتقل علي أمير , عشان عارفه ان ده حيخليه يتعلق بيها اكتر ,,
حيبذل مجهود زياده عشان يبقي معاها و يثبت لها حُبه , بكده أميرة بتعلي من قيمه حب أمير ليها ....,,
بس هو ازاي الـ Scarcity Principle بيتشغل من الأساس ؟؟
أول نظريه بتفسر الـ Scarcity Principle ,
هي نظريه الـ commitment and consistency ,,
بمعني ان الانسان لما بيتعلق بحاجه او بيكون عاوزها ,
بيبتدي يرسم لنفسه مستقبل و حياه ان خلاص الحاجه ديه معاه ,,
و فكره ان الحاجه ديه تضيع من ايده , بتسبب له ألم و تعب ,,
فبيبذل اقصي مجهود عشان الحاجه ديه متضعش ..
بنشوف الموضوع ده مع الطفل اللي بيشبت في الحاجه ,,
و اللي رغبته فيها بتزيد لما يعرف انها مش حتيجي له ..
الانسان بطبعه مبيبحش يتقال له لأ !!
النظريه التانيه , هي ان الحاجه اللي بتكون صعب الحصول عليها ,
بتكون في غالب نادره او مش اي حد يقدر يوصلها ,,
ده بيترجم في اللاوعي عند الانسان , ان اكيد الحاجه ديه مميزه و جميله ,,
و عشان كده لازم تبقي بتاعتي أنا !! ..
بمعني ان الحاجه اللي موجوده بكتره و بسهوله بتفقد جزء كبير من جاذبيتها ,,
جاذبيتها اللي بتعتمد علي فضول الانسان في الاساس و رغبته لاسكتشاف كل حاجه ...
الـ Scarcity Principle بيُستخدم في حاجات كتير في حياتنا ,,
في الاقتصاد , في السياسه , في فنون الادراه و القياده ,
حتي في تعاملاتنا بينا و بين بعض ... بنتقل علي بعض ..
عشان نعلي من سعرنا و نحسس الاخر اننا نستحق اي مجهود او وقت بيبذله عشان يوصلنا ... نظريا ,
المبدأ ده فعال و كتير اوي بيحقق الهدف منه ,, بس ساعات برضه بيجي بنتايج عكسيه ...
و يوصل الانسان اللي تحت تعويذه الـ Scarcity Principle انه يزهق و يمل ! ..
و علي الناحيه التانيه لو انتا نفسك تحت سحر الـ Scarcity Principle ,
و حاسس انك بكل جنون و عفويه بتتساق لحاجه من غير ارادتك ..
حاجه بتستغلك زي اللعبه في ايدها و بتسرق وقتك و فكرك ...
اسأل نفسك هي فعلا تستحق كل اللي انا بعمله ده ,
و لا ده مجرد Scarcity Principle ... ؟!
cpd
|
