|
 |
 |
 |
|
رقم المشاركة : ( 1 )
24 - 10 - 2021, 08:13 AM
|
|||||||||||
|
|||||||||||
 في مرة جه للسيد المسيح شخص مريض بالبرص، وطلب منه طلب غريب شوية.. قاله: إن أردت تقدر أن تطهرني. والسؤال هنا: ليه الأبرص طلب من المسيح إنه يطهره مش إنه يشفيه!؟ لما بنقرا العهد القديم بنكتشف إن البرص ده مرض جلدي، واليهود كانوا بيعتبروا مريض البرص إنه نجس.. والشخص الأبرص كان بيتم عزله بعيد عن الناس، وأي حد يشوفه يصرخ: أبرص نجس.. وكان نسبة شفاء الأبرص من مرضه قليلة جداً، فالشخص ده كان عنده كذا مشكلة.. مشكلة روحية في علاقته مع الله لأنه نجس، ومشكلة اجتماعية في قبول الناس ليه.. ومشكلة نفسية في اليأس من الشفاء. علشان كده لما جه للمسيح طلب منه إنه يطهره من نجاسته.. لأن لو مشكلته مع الله اتحلت كل مشاكله التانية هتتحل، الرائع في المسيح إنه عمل 3 حاجات مع الأبرص.. أول حاجة إنه تحنن عليه.. وهنا بنشوف المسيح بيتعاطف مع مشاعره ويأسه من حالته، وتاني حاجة إنه مد ايده ولمسه.. وده لأن الشخص ده كان محروم من وجود حد حواليه، والناس كانت بتهرب منه.. لكن المسيح حب يقدم ليه محبة وقبول بشكل عملي. والحاجة التالتة إنه شفاه من مرض البرص وحقق له طلبته، الراجل ده جه للمسيح يطلب حل لمشكلة واحدة عنده.. لكن المسيح لأنه عارف اللي جوانا وحاسس بيه من غير ما نقوله.. اتعامل مع كل احتياجات الراجل ده، السيد المسيح قريب جداً مننا.. حاسس بينا وبأوجاعنا، ويقدر يمد ايده ويتعامل مع مشاكلنا ويحلها. تعالى للمسيح واتكلم معاه دلوقتي.. قوله أنا واثق إن عندك لمشاكلي حلول.. وتقدر بكلمة منك تنهي كل وجع وألم في حياتي، والمسيح يقدر يعمل اللي إحنا منتوقعهوش. 😍 
|
|
العرض الشجري