|
 |
 |
 |
|
رقم المشاركة : ( 1 )
22 - 01 - 2014, 12:34 PM
|
|||||||||||
|
|||||||||||
|
شوية خطوات بسيطة لكن الطعم هيفرق 1-عايزة الملوخية مظبوطة حطى ذرة سكر فيها وحطى فصين توم.مدقوقين نيين غير التقلية ومعاهم كزبرة ناشفة غير اللى فى التقلية 2-عايزة السمك والجمبرى المقلى متقرمش ومتماسك بعد الدقيق قبل التحمير هاتى طبق فيه مية غطسيه فى المية واحدة.واحدة بسرعة وحطى على النار...لالالالا مش هتطرطش خالص لاتقلقوا لأن المية بتلزق فى الدقيق وتثبته 3-الكرنب عشان يبقى اطعم حطى فى الشوربة اللى هتتشربه توم مدقوق وكمون ومعلقتين صلصة 4-البامية عشان تبقى احلى حطى التوم على مرحلتين مرحلة مع تشويح البصل والمرحلة التانية مع الطماطم المعصورة وخليها كلها بالطماطم بلاش صلصة صناعية تبقى احلى 5-سلطة الكول سلو او الكرنب حطى مع المايونيز زبادى وسكر طعمها هيبقى زى المطاعم بس سبيها فى التلاجة الأول كام ساعة فى الخليط 6-البهارات الصحيحة قبل ماتطحنيها شوحيها ع النار طعمها هيبان اكتر 7-البيتزا حطى على اطرافها زبدة وتوم بودرة متسيحين فى المايكرويف كلهم هياكلو الأطراف مش هيسيبوها بس إحشيها بجبنة 8-التومية حطى نشا متدوب فى مية ع النار لما تبقى مهلبية سيبيه يبرد وإضربيه مع فصين توم وخل وبعدين زيت طعمها افضل 9-ماتحطيش ليمون خالص بقشره على صوانى السمك او الجمبرى او فى الشوربة فى النار الطعم هيبقى مر ضفيه بعد مايستوى المقصود القشر فقط 10-حطى فى البشاميل زعتر مجفف والسمنة تبقى قد الدقيق عمره ما هيكتل معاكى 11-الكبدة الاسكندرانى حطى عليها طحينة قبل السوا حبة صغيرين 
|
 |
|
| قد تكون مهتم بالمواضيع التالية ايضاً |
| الموضوع |
| خطوات تجميلية بسيطة |
| خطوات بسيطة لتنظيف حوض السمك |
| تعلمى صنع المعجنات فى 4 خطوات بسيطة |
| خطوات بسيطة لتنظيف فرش الماكياج |
| 7 خطوات بسيطة للحصول على وزن صحي |
العرض العادي
