زوادة اليوم: التعاطف مع الآخرين : 14 / 5 / 2024 /

[souad jaalouk]

زوادة اليوم:
التعاطف مع الآخرين

بيخبّرو عن شَبّ مرِض بالسرطان، ونتيجة العلاج هَرّ كِلّ شَعر راسو، صار مستحي كيف بدّو يروح على المدرسة بلا شَعر، وكيف بدّو يواجه رفقاتو بالصفوف الثانوية!

الحلّ الوحيد كان إنّو يحطّ شعر مستعار.

شو كانت فرحتو كبيرة لمَّا وُصِل على الصفّ وشاف كلّ رفقاتو قاصّين شعرُن على الآخر حتَّى ما يحسّ حالو غريب عنُّن.

مِن كِتِر ما انبسط قِدِر ينتصر على المرض ويشفى بفضل الأمل يلّي حطّوه رفقاتو بقلبو.

الزوّادة بتقلّي وبتقلّك :

شو حلو يكون عندك أصدقاء يفهموك بلا ما تحكيُن، يقرو أفكارك من عيونك، يحبّوك مِتل ما إنت، يفكّرو فيك قبل ما يفكّرو بحالُن، ما تتأخَّر، خلّينا أنا وإنت نكون واحد من هالأصدقاء، والله معك.

[walaa farouk]

ميرسي على زوادة اليوم
ربنا يفرح قلبك

[souad jaalouk]

وربنا يبارك فيكي أختي الغالية ألف ألف شكر على المرور الغالي

[Mary Naeem]

شكرا على الزوادة
ربنا يفرح قلبك