|
 |
 |
 |
|
رقم المشاركة : ( 1 )
25 - 04 - 2017, 09:38 AM
|
|||||||||||
|
|||||||||||
 من فترة زرت صديق ليّٙ في بيته كمحاولة بائسة مني إني أخرجه من البيت، بعد ما دخل في حالة اكتئاب، إنطوى على نفسه بسببها حوالي أسبوعين مش بيشوف حد .. طبعًا ردود أفعاله كانت: إما ضحك هستيري وبشكل مُبالغ فيه أو تغيير الموضوع أو سكوت طويل .. مفيش فايدة . وأنا كدا كدا مش القديس اللي هعرفه ربنا .. هو علاقته بربنا قديمة جدًا وكويسة.. لقيت قدامي نوتة ... سألته عنها؟ قاللي دي مذكرات، إفتحها لو حابب. حسيته فعلًا معندوش طاقة يتكلم، وقلت آهو أحاول أفتح معاه كلام من خلالها.. فتحت كام ورقة .. وتعمدت أعمل نفسي بقرأ عشان أريحه، بس محبتش أعرف عنه حاجة تهتك خصوصيته قدام عيني .. لكني لاحظت حاجة غريبة .. جملة متكررة مكتوبة آخر كل يوم تقريبًا: «خليك فاكر يا رب» «خليك شاهد ومُطلع يارب إن كذا حصل ..» «يارب لما أبقى كويس متنساش إن كل ده حصل فيا» «متنساش البكا بتاع إنهارده ده كله» «متنساش إني مش عارف أتعامل مع حد وإيدي بتترعش بقالها فترة لما بسلم ع الناس» «متسمحش إني أنسى أي إساءة حصلت لي، ولا أي شخص احتجته وملقتوش» «إنهارده أنا كنت بمشي بسرعة خايف أشوف حد أعرفه .. مش عاوز أشوف حد» «خليك فاكر إني مليش مكان هنا وسط الناس» «إفتكر يارب الذل والمهانة دي واجمعها عندك» قفلت النوتة وقلت له: يا جبروتك! «يكفيك شرفًا أنك لا تزال على قيد الحياة» .. وحاولت بكلمات قليلة جدًا أفكره بكلام هو كان بيقولهولي ف يوم م الأيام شجعني وسندني.. وما انتظرتش إنه يبقى كويس بسرعة .. لكن كنت واثق إن طريقته في الكلام مع ربنا هتساعده جدًا، هو بيتعامل بعشم جدًا معاه وده هينقذه قريب ليه حكيت الكلام ده؟ عشان التعامل مع الناس دي لازم يكون بالشوكة والسكينة زي ما بيقولوا أحد أهم أسباب إن الشخص ده وصل للي كان فيه هو إن كل الناس بتفهمه غلط .. أغلب الناس مش عارفة تتعامل معاه، وهو مُعترف إن المشكلة فيه.. بس إنتو مدركين السجن اللي إحنا بنسجن الشخص ده فيه؟؟ معظمنا لما بيشوف حد كدا بيقول عليه: ده كئيب .. ده مش اجتماعي .. ده مش بيحبني .. ده مش بيحترمني... أنا آخر مرة أكلمه أصلًا.. ده أناني .. ده غريب إنت كدا بتحط عليه أكتر، مهما بان مش فارق معاه.. تأكد إن مع كل شخص كان بيخسره كان بيكتئب أكتر مع كل حد فهمه غلط .. كان بيتم ضغطه أكتر هو بيبقى عامل زي اللي ماسك عقد إنفرطت حباته «لا عارف يلم اللي وقع من العقد ولا يحافظ ع اللي إتبقى في الخيط» العلاقات أمر مقدس عند معظم الشخصيات دي في الوقت اللي إنت بتدور على فرفشة ولا أكلة حلوة ولا شوية رفاهية .. الناس دي بتدور على سبب يخليها تستمر في الحياة .. ارحموهم و م الآخر كدا .. محدش بيعرف يتعامل مع الشخص ده إلا حد بيحبه جدًا .. يقدر يتغاضى عن كل كلمة غضب وكل تصرف عنيف وكل رد فعل وكل انطواء وهروب.. ويتفهم ما في الشخصية دي من صراع .. بالمحبة والقبول الناس دي الضيق عراها .. الضيق نخور فيها لحد ما بدأ يخبط في إيمانها.. احترموها.. احترموا الشخصيات دي .. احترموا إنها بتصارع للبقاء على قيد الحياة .. «اخلع نعليك عند اقترابك من شخص متألم... إنك في منطقة عمل الله» 
|
|
25 - 04 - 2017, 09:46 AM
|
رقم المشاركة : ( 2 ) | ||||
|
† Admin Woman †
|
رد: اخلع نعليك عند اقترابك من شخص متألم
الناس دي الضيق عراها .. الضيق نخور فيها لحد ما بدأ يخبط في إيمانها.. احترموها.. احترموا الشخصيات دي .. احترموا إنها بتصارع للبقاء على قيد الحياة .. رووووووووووووووعة يا قمراية ربنا يفرح قلبك حببتي |
||||
|
|
|
12 - 05 - 2017, 07:42 AM
|
رقم المشاركة : ( 4 ) | ||||
|
..::| الاشراف العام |::..
|
رد: اخلع نعليك عند اقترابك من شخص متألم
ميرسى لمروركم الغالى
 |
||||
|
|
|
12 - 05 - 2017, 02:15 PM
|
رقم المشاركة : ( 5 ) | |||
|
..::| العضوية الذهبية |::..
|
رد: اخلع نعليك عند اقترابك من شخص متألم
يااااه يا رينا ..اد ايه كل موضوعاتك واقعية جداا .وبتعلمنى شخصيا حاجات كتيرررررر ...بجد ربنا يبارك خدمتك اسم يسوع عليكى .موضوعاتك مميزة جدا جدا ..ربنا يخليكى رينا
|
|||
|
|
|
12 - 05 - 2017, 09:52 PM
|
رقم المشاركة : ( 6 ) | ||||
|
..::| الإدارة العامة |::..
|
رد: اخلع نعليك عند اقترابك من شخص متألم
«اخلع نعليك عند اقترابك من شخص متألم... إنك في منطقة عمل الله» روووووعة يا رينا ربنا يفرح قلبك |
||||
|
|
|
18 - 05 - 2017, 07:17 AM
|
رقم المشاركة : ( 7 ) | ||||
|
..::| الاشراف العام |::..
|
رد: اخلع نعليك عند اقترابك من شخص متألم
ميرسى لمروركم الغالى
|
||||
|
|
 |
|
العرض العادي
