في يوم خوف انا عليك اتكل ( معجزة للقديسة مارينا )

[Magdy Monir]

في يوم خوف انا عليك اتكل

في يوم خوف انا عليك اتكل ( مز 56 : 3 ) من معجزات القديسه مارينا كنت حامل ولدي شعور غريب ان هذا الحمل هيكون نهايتي وخوف اخر علي الجنين انها مش هاتطلع سليمه وانا كنت عارفه اني حامل في بنت وكنت عايزه اسميها مارينا ولكن زوجي كان رافض علشان هذا اسم لاي " ميناء سفن " هنا في امريكا وخايفين في المستقبل ان تتعرض لمضايقات وسخريه من اصدقاؤها علشان الاسم وتحدد يوم ان اعمل طلق صناعي وانا الي حددت اليوم 1/5/2003 وحدته علشان مارجرجس يسترها معي ومع الجنين . وذهبت الي المستشفي وتم وضع الطلق الصناعي لي لكن لم يفتح الرحم 3سم في اليوم كله الي الساعه 1 صباحا من اليوم 2/5/2003 فحضرت الدكتوره وقررت فتح المياه المحيطه بالجنين وعن طريق يفتح الرحم تدريجيا . وفعلا تم ذلك ومع فتح المياه حدثت انقباضات للرحم ومعها انخفاض في ضربات قلب الجنين وترجع تاني الي حالتها الطبيعيه فقررت الدكتوره ان تضع مياه حول الجنين مره اخري علشان تقلل من الانقباضات علي الجنين وتم وضع المياه حول الجنين لم تؤثر استمرت ضربات قلب الجنين في الانخفاض الي ان وصلت مع كل انقباض للرحم 60 ضربه المفروض 120 فما اكثر وساعتها قررت الدكتوره انها سوف تاخذ عينه من دم الجنين في الداخل وها نستمر في الولاده الطبيعيه ام لا وعرفت ساعتها ان في حاجه مش مظبوطه وان الجنين مش ها يطلع سليم . روحت طلبت مار جرجس والقديسه مارينا ان يقفوا مع الجنين وتكون العينه كويسه والجنين كويس ويكون الجنين سليم ولا يحتاج الي عنايه مركزه خالص . رجعت الدكتوره وهي مضطربه وراحت قالت علي طول لاازم قيصريه لاازم نخرج الجنين فورا . رحت انا قلت ونذرت نذر لو جبت بنت ها اسميها مارينا بس تطلع سليمه وكويسه وخاليه من اي مرض ولا تحتاج حتي الدخول الي العنايه المركزه وقلت لزوجي لو جبت بنت ها اسميها مارينا راح وافق وقال بس تطلع سليمه وانتي سليمه وكان مضطرب جدا . وفعلا عملت قيصريه والبنت الحمد لله طلعت سليمه وخاليه من اي مرض ولم تحتاج الي الدخول الي اللعنايه المركزه وبركه القديسه مارينا شافتها من اي مرض وصولواتها تكون معانا وتذكرنا عند المسيح في صلواتها ويشفي امراضنا امين

[بنت معلم الاجيال]

ميرسي كتير علي المعجزة الجميلة
ربنا يبارك خدمتك

[Magdy Monir]

شكراً على مروركم الجميل

[MenA M.G]

فليتمجد أسم الرب
ربنا يبارك خدمتك