زوّادة اليوم: أعطي الناس حقها

[souad jaalouk]

زوّادة اليوم: أعطي الناس حقها

بيخبرو عن شب عاطل عن العمل راح يشتغل بقصر الملك و تفاجأ انّو هونيك ما بيقبض معاش بس كل ما اشتغل منيح بيقلّو الملك برافو!! هالشب ذكي كتير مرّة راح عا مطعم طلب اكل و بس خلّص قلّن: برافو كتير طيبين و قام يفلّ! اجا صاحب المطعم قلّو بس ما دفعت الحساب قلّو اكيد دفعت قلتلّك برافو! عصّب صاحب المطعم و اخدو عند الملك حتّى يحكم بيناتن. خبّرو القصة للملك اللي سأل الشب ليش ما دفع حقّ الأكل جاوبو: دفعت بعملة جلالتك، قلتلّو برافو! هون عرف الملك انّو الشعوب ما بتنحكم بهالطريقة و انّو ما لازم يستغلّ الناس بلا مقابل و دفع حق الأكل و خصّص معاش لهالشب و لكل شخص عم يتعب بالقصر. بحياتك ما تستغلّ حدا، عطي الناس حقها و ما تخاف عا حقوقك انت، اذا ما كانت الأرض عادلة معك السما اكيد رح تكون! الله معكن

[walaa farouk]

ميرسي على زوادة اليوم
ربنا يفرح قلبك

[Mary Naeem]

اذا ما كانت الأرض عادلة معك السما اكيد رح تكون
مشاركة جميلة جدا
ربنا يبارك حياتك

[souad jaalouk]

شكرااااا على المرور الغالي أخوتي الأحباء