سنة راحت ......وسنة جديدة

[الشاعر / باسم خلف]

سنة راحت ......وسنة جديدة طلت علينا

سنة فاتت بكل ما فيها
بحلوها ومرها
وسنة جاية باحلام وامانى
ايام وتخلص سنة من عمرنا
السنة اللى فاتت كنا بنحلم نحقق فيها امانى واحلام
هل تحققتت احلامنا ؟؟؟؟؟؟؟؟
احلام كتيرة منها اللى اتحقق ومنها اللى ما كانشى لينا نصيب فيه
سنة فاتت
كسبنا ناس وخسرنا ناس
حبينا ناس وكرهينا ناس
سنة فاتت .... دى مش سنة .. دول سنين .. يعنى كل سنة بتعدى .. بتتحط فى دفتر وتتشال فى ارشيف حياة كل واحد فينا ..
السنة دى 2015 زاد على ارشيف حياتنا وذكرياتاتنا
ذكريات حلوة ....... وذكريات اليمة
يا ترى هنغلط نفس الغلطة نحلم زى كل اول سنة
السنة اللى فاتت ولا نفكر فى السنة الجديدة ..
ونفكر فى الى هيحصل فينا والى حصل زيه قبل كده ..
ويا ترى نخاف منها ولا نستناها واحنا متفائلين .. ؟
سنة جديدة جايه وانا كلى ذنوب
سنة جديدة جايه ولسا مغيرتش شى من العيوب
سنة جديدة وانا حياتى مليان خطيه مموتانى
سنة جديدة جايه والموت وجهنم علشانى
سنة جديدة وانا لسا ناسيك
سنة جديدة وانت لسا مستنى
نفسك تدخل تتعشى عندى
نفسك تضمنى فى حضنك
نفسك تاخد منى همى
وانا زى الغبى عايش عبيط
فاكر الفرح هيكمل وهيمشى فى الوريد
فاكر ان الدنيا دايمة
والعمر لسا طويل
فاكر انك ناسينى
ومعدش ليا عندك نصيب
دى سنتى فى الماضى
كلها هم والم ومالاقيت حد يا طبيبى راضى
يشفى جروحى او بلمسة ينسينى الماضى
مش لاقى زى حضنك فى البشر
مش لاقى حنان زى كف ايديك
مش لاقى حاجة زى نظرة من عينيك
مش هعدى كمان سنة الا وانا معاك
يومى هيبقى بسنة طول منا بعيد
فيا اشتياق كبير لاكون فى صحبتك
ربى وحبيبى اقبلنى وضمنى
ومن همى وحزنى شدنى
ومن ايد ابليس اخطفنى
وفى حضنك الحنون سيبنى
وانا اوعدك انى ما هكون غير ليك
ادى سنة جاية جديدة اهية يا نفسى توبى عن الخطية )
سنة عدت وانا باتمنى ابتدى فى طريق منور
فى طريق يسوع تفرح نفسى يتبدل قلبى ويتغير
عشرة جديدة معاك يايسوع تغنينى عن اى اصحاب
تشبعني من بعد الجوع وتهونلى اى عذاب
قلب جديد لك يايسوع تملك وبحبك تملاه
وتعلمنى ازاي انا جيك أشعر بيك فى كل صلاه

كـــــــل سنــــــــة وانتــــــم طيبيــــــــن —

[Mary Naeem]

كلمات جميلة جدا

ربنا يباركك