من أفضل الطرق الفعالة للوقاية من الإباحية

[walaa farouk]

من أفضل الطرق الفعالة للوقاية من الإبا*حية
أو التراجع والعلاج هو التحكم في الوقت المستهلك..
على مواقع التواصل الاجتماعي وبعض المواقع الأخرى الضارة
دي بعض التطبيقات المفيدة..
اللي ممكن تساعد عمليا في الخطوة دي :
للاندرويد
1. SPACE:Break phone addiction
ودا بمجرد ما هتفتح الموبايل هيبدأ يحسبلك الوقت
اللي بتقضيه على الموبايل سواء يوميا او اسبوعيا او شهريا،
ورصد عدد المرات اللي حاولت فيها الغاء قفل تليفونك..

2. Screen Time - Restrain yourself
التطبيق دا ليه ميزة مختلفة انه بيحاول يحسب الوقت
اللي بتقضيه من حياتك بعيد عن الموبايل
وكل ما الوقت دا يزيد يبدا يقدملك اقتراحات وخطط
لإستغلال وقتك افضل استغلال.

3. Digitox: Screen Time
تطبيق لطيف بيحقق نفس الغرض.

4. Stay Free
التطبيق دا بيساعدك في ضبط حدود أستخدامك
لتطبيقات بعينها، بمعنى انك لو تعديت الوقت
اللي حددته لإستخدام كل تطبيق هيبدأ ينبهك بصورة متكررة.

5. Digital Detox
دا تطبيق بيساعدك تقلل تدريجيا الوقت اللي بتقضيه
على الموبايل أو على مواقع وتطبيقات معينة.

6. Block Apps
التطبيق دا بيساعدك تعمل بلوك للتطبيقات والمواقع
اللي مش عايز تدخل عليها تاني ويمنعك انك تدخل عليها
من الموبايل أو بيصعب جدا جدا الدخول ليها مرة تانية.

7. BlockerX :App& Website Blocker
ودا بيمنع استقبال تليفونك لأي إعلانات او مواقع
او تطبيقات بخلاف التطبيقات اللي الجيدة
اللي محددها للإستخدام وكمان
بيرفض استقبال المكالمات الغريبة بنفس الفكرة

للايفون
8. Flora
التطبيق دا بيحول الموضوع للعبة مسلية
لما بتحدد الأهداف المهمة في حياتك وهو يبدأ يزرع نبتة
بيسقيها بالعد التنازلي للوقت اللي بتقضيه على التطبيقات
ولو الزرعة مكبرتش او ماتت بيكون في سعر محدد تدفعه
علشان يبدا يشتريلك غيرها ويكرر نفس الفكرة.

9. SaferKid
ودا تطبيق خاص بالأباء اللي اولادهم بيستخدموا موبايلاتهم
او معاهم موبايلات علشان يراقبوا من خلاله ايه المواقع
اللي بيدخلوا عليها والتحكم فيها.

10. Moment
ودا مش بيسمح ليك تستخدم التطبيقات اللي على موبايلك
الا لو حددت الوقت اللي مفروض تستخدمها فيه وتلتزم بيه،
ويمكن استخدامه مع الاطفال كمان..

بنشجعك سواء الأبلكيشنز دي أو غيرها..
إنك تساعد نفسك في تقليل وقتك قدام الشاشات.