انا فى الاول والاخر راهب يابنى

[walaa farouk]

فى يوم من الايام البابا كيرلس اتبعتله دعوه انه يزور اثيوبيا ويصلى هناك ويبارك البلد والشعب المهم وافق وجاء يوم السفر فقال لتلميذه يابنى حضر لى الشنطه بتاعت السفر لانه كان مشغول شويه فالاخ تلميذه بدا يحضر الشنطه جه يطلع فنلات وبلوفرات داخليه لسيدنا اللى هى بيلبسها تحت الجلبيه وجد ان كلها متقطعه ومتخيطه ودايبه فقال ميصحش بابا الكنيسه يسافر بلبس زى ده انا هنزل اجيب له دسته فنلات وبلوفرات واحطها المهم نزل جاب وحط فى الشنطه ووضب الشنط وسافرو وراحو هناك البابا كيرلس فى نهايه اول يوم من السفر دخل غرفته يرتاح ويغير هدومه فتح الشنطه لاقى الفنلات الجديده راح نده على تلميذه قاله تعالى مين قالك تغير اللبس وتجيب لبس جديد قاله يا سيدنا اللبس متقطع ومتخيط ودايب ميلقش بيك قاله يابنى انا راهب فى الاصل وبعدين انا لابس اللبس ده من تحت الجلبيه محدش شايفه انما اولادى اللى بيخرجو وينزلو والشعب اللى عايش فى العالم هم اللى محتاجين اللبس ده .... انا فى الاول والاخر راهب يابنى

(( هو ده ابو الغلابه البابا كيرلس السادس ))