|
 |
 |
 |
|
رقم المشاركة : ( 1 )
22 - 07 - 2024, 05:43 PM
|
|||||||||||
|
|||||||||||
 شىء ولا فى الخيال وكأن ربنا بعتلى الجواب ... من حوالى اسبوعين كان عندى إمتحان وبالليل النور كان قاطع والجو حر موت فا خدت كتابى وطلعت على الكورنيش اذاكر ، لاقيت راجل كبير فى السن قاعد بيصطاد ، قعدت خلصت الفصل الاول والراجل بنفس قعدته ماتحركش تماما ، ولا حتى بص فى ساعته ولا تليفونه رن حتى ، قومت اتمشيت شويه وعينى عليه خايف لحسن يكون جراله حاجه ماهو مستحيل حد يقعد اكتر من ساعه مايتحركش ولا يزهق ولا حتى يبص فى ساعته ... رجعت وقعدت ساعه تانى ، والراجل زى ماهو ، قولت لا بقى مابدهاش انا لازم اروحله واشوف حكايته ايه الراجل ده مستحيل حد يستحمل يقعد ساعتين مايتحركش ، قعدت جنبه .. - مساء الفل ياعمى عامل ايه .. - اهلا يابنى - امال ليك ساعتين ماطلعتش حتى بسريايه .. - ضحك وقالى اصل انا حاطط طُعم لنوع معين من السمك ، والنوع ده عدده مابيكونش كتير فى الصيف ، بس لحمه بيكون حلو قوى والكيلو بتاعه غالى قوى ، ممكن الليل كله اقعد ماخدش سمكه واحده ، وقبل ماقوم بلحظه الاقى السناره غمزت وطلعت بحاجه حلوه ووزن حلو كأن ربنا بيعوضنى على قعدتى الليل كله .. - ايوه بس انت حتى ما بتتحركش خطوه حتى تفك جسمك .. - ماينفعش اغفل عن الرزق عشان مش عارف امتى هايجيلك ده فى لحظه ربك بيبعت ، فا لازم تكون صاحى ومنتبه ومركز قوووى .... - مابتتعبش طيب ؟؟ - اللى بيشتهى حلاوه النجاح ، مابيحسش بمرارة التعب ، فى وسط تعبه عينه دايما بتكون على حلاوه النجاح وانه مش هايرتاح غير لما يوصل.. - طيب مافيش مره ضعفت وقولت مافيش فايده , ماحدش جه واحبطك حتى ؟؟ - ههههههههه يووووووم كتيييييير ، بس انت لازم تكون مصدق فى نفسك وانك تقدر ، سيب اللى يضحك يضحك ، واللى يتريق يتريق سيبهم ، اثبتلهم بعزيمتك انك تقدر .... حقيقى ده كان أعظم درس اخدته فى حياتى .. 
|
|
العرض الشجري