فيه حالة نفسية بتحصل للبنت كل فترة, بتخليها تشبة قطعة الثلج, حالة سيئة بتدخلها في نوبة إكتئاب حاد, كل شيء فيها بيختلف سواء رد فعلها بالنظرات أو بالردود والكلام, الفترة دى بتكون فيها شخص هادى مبتتكلمش فاقده جزء منها جزء هي مش عارفاه ولا عارفه تحدد مكانه بس هي حاسه إنه ناقص من جواها, بيحصلها فقدان شهيه إتجاه أى أكل حتي أكتر الأكلات إللي بتحبها بترفضها, ميولها بيزيد إتجاه القهوة وأى مشروب تاني فيه نسبة سكر عاليه ودى بتعمل حاجز أقوى بينها وبين الأكل طول الفترة دى, بتتحول مش شخص رغاي وطول الوقت مقضيها هزار في البيت مع اخواته أو برا مع أصحابه, إلي كائن ساكت بينام طول الوقت ولو صاحي يا يكون سرحان يا في اوضته الضلمة, بيحاول يفكر إيه إللي مزعله أو ايه مخليه كئيب, بعد التفكير إللي بيخليه مرهق بشكل أكبر يكتشف إن مفيش حاجة معينه هو متدايق منها, مفيش سبب قوى لحالته, وبعد ما تكتشف السبب ده بتدخل في نوبة إكتئاب اعمق وأعمق, عندها كل الدوافع إللي تخلي أي شخص يبكي من اقل شعور بالسوء رغم كده عاجزة عن إنها تدمع, في خلال الفترة دى بتكون حالتها النفسية حساسة بطريقه مرهقه, لو سمعت أى صوت خفيف بيخليها تتوتر ولو الصوت متكرر بتحاول توقف مصدرة ولو معرفتش توقف مصدرة بتتحول لحالة عصبيه غريبه وكأنه صداع في قلبها, أى شيء بتفكر في إنها تعمله بتكون حسة بالملل إتجاهه قبل ما تعمله وفكرت في حاجة تانية, وهي علي إيمان ويقين بإنها عارفه إن في خلال الساعات أو الايام إللي جايه إنها هتخرج من الحاله دى الا وإنها بتكون خايفه بطريقه مرعبه إن الحالة دى المره الجاية هتوصل بيها لمرحلة أصعب وكمية ضغط نفسي عليها هتخليها تنفجر, وفجأة تتحول من شخص بيشع كأبه إلي طفلة مبتعملش حاجة غير إنها تضحك وتهزر لمدة ساعات وترغي مع أى شخص وطول الوقت مشغلة مزيكا وبتفكر تخرج فين ويا ترا في أكل أيه, وترجع بمنتهي البهجة لحالتها الطبيعيه, اكتر بنت بتعاني من الحالة دى هي البت المزاجية, بتخرج منها وبترجعلها تاني في وقت قصير, وده إللي ناس كتير متعرفهوش وبتدعيها إنها كئيبه أو معقدة أو غريبة .
08 - 01 - 2017, 07:13 PM
رد: فضفضة
العرض العادي
