علشان تفهم نفسك اكثر

[walaa farouk]

7 حاجات محتاج تعرفها علشان تفهم نفسك:
1- القيم:
وهو انك تعرف.. ايه هي المبادىء
اللي بتمشي وراها في حياتك؟
يعني في المواقف والقرارات اليومية في حياتك
بيكون ايه مبادئك اللي بتشوف وتتحرك من منظورها.

2- الشغف:
ايه هي الاهتمامات التي بتحسسك بالنشاط وتحمسك؟
حاجات بتعملها ومتحسش بتعب والوقت بيعدي فيها بسرعة.

3- الطموحات:
ايه هي الأهداف والخبرات اللي عايز تحققها في حياتك؟
شايف نفسك ازاي بعد كام سنة من دلوقتي،
وبتعمل ايه النهاردة علشان تحقق ده وتوصله.

4- التكيف:
ايه هي البيئة اللي بتحس فيها بالرضا والتكيف أكثر؟
بتحس أنك منتمي وجزء من بيئة شكلها ايه.

5- الأنماط:
ايه هي الطرق المتكررة والثابتة التي بتفكر، وتشعر،
وتتصرف بها؟ فيه حاجات في الحياة نحس انها
بتعيد نفسها، قادر تشوفها في حياتك؟

6- ردود الفعل:
ازاي بتتصرف في المواقف الصعبة؟
ايه أول رد فعل بيطلع منك في المواقف؟
غضب، انفعال، انسحاب، هجوم، تفكير، هدوء، الخ..

7- التأثير:
ايه هو تأثيرك على اللي حواليك؟
الناس في وجودك بتحس بايه؟
انهم مرتاحين، متهددين، صغيرين، واثقين، الخ..