|
 |
 |
 |
|
رقم المشاركة : ( 1 )
27 - 06 - 2017, 05:25 PM
|
|||||||||
|
|||||||||
|
اكيد كلنا شوفنا وشدنا اعلان طلعت حرب راجع تانى
تخيلت كده وانا قاعد مع نفسى ان الارشدياكون حبيب جرجس راجع تانى وتخيلت انه بالفعل رجع تانى وواقف قدامى ودار بيننا الحوار الآتى : + + + انا : ازيك يا قديس القرن العشرين هو : اهلا بيك انت مين ؟ انا : انا خادم من القرن الواحد والعشرين من بين خدام كتير وفاكرين نفسنا بنخدم بجد هو: ليه بتقول كده ؟ مش انتوا بتخدموا زى ما سلمناكم وعلمناكم ؟ انا: الحقيقة اننا بنخدم زى ما سلمتنا .... لكن مش زى ما علمتننا !!! هو: ازاتى يعنى مش فاهم ؟ انا : هدى لحضرتك مثل علشان تفهم قصدى + مثلا عندنا مشكلة مع حد من الاباء الكهنة نثور ونعمل مشكلة ونكبر الموضوع ونصعد ونحكى ونشهر لحد ما لقيت فى سيرتك اللى قريتها حاجة غريبة : ( حكى أحد الخدام انه كان تلميذًا في اجتماع للشباب يقوده المتنيح حبيب جرجس، وكانوا ثائرين ضد رجال الكهنوت. أما هو فقال لهم إن الإصلاح الكنسي لا يقوم على الهجوم أو النقد اللاذع للقيادات الكنسية، وإنما بالعمل الجاد مع الأطفال والفتيان والشباب، إذ يصيرون أعضاء الكنيسة في المستقبل، ومنهم مَنْ يتسلم القيادات الكنسية.) عرفت بقى الفرق بين جيلنا وجيلك + مثل تانى : دلوقتى لما نحب نحضر دروس فى مدارس الاحد بنجرى على ( جوجل ) هو: مين جوجل ده .... امين الخدمة بتاعكم ؟ ؟ ؟ انا: ههههههه لا يا ارشى ده النت اللى بنحضر من عليه دلوقتى زمان وانا بخدم فى اعدادى فى التسعينيات افتكر كنت اقعد طول الاسبوع ادور على مراجع انا وشماس تانى حبيبى اسمه سمعان ( دلوقتى بقى قدس ابونا عبد المسيح ) ونبحث مع بعض وندور ونروح مكتبة الكنيسة .... لكن دلوقتى فى الزمن ده التحضير بقى من على النت عادى خالص . ولما دورت فى سيرتك يا ارشى لقيتك مألف للكنيسة اكتر من ثلاثين كتاب ده غير مجلة الكرمة اللى انشاتها كمان + دلوقتى يا ارشى بقى فى حاجة اسمها مهرجان الكرازة وبقى فى حاجة اسمها كرنفال الوضع اتغير كتير هو: فعلا نشكر الله كنيستنا الارثوذكسية مش عقيمة بفكرها لكن ممكن تكون عقيمة بفكر ناسها ودى المشكلة الكبيرة ومتخافش كنيستنا طول عمرها ولادة وهتلاقى فى كل كنيسة ( حبيب جرجس جديد) يطور ... وينقى الافكار... ويبدع .... ويبتكر.... ويتحدى الظروف اخر كلمة سمعتها منه : حبيب جرجس راجع تانى + قلتله يا ريت يا ارشى ده حلم حياتى انك ترجع تانى اذكرونى فى صلواتكم لبيب سمير يونيو 2017 
|
|
27 - 06 - 2017, 05:31 PM
|
رقم المشاركة : ( 2 ) | ||||
|
..::| الإدارة العامة |::..
|
رد: حبيب جرجس راجع تانى
ميرسى على مشاركتك الجميلة ربنا يفرح قلبك |
||||
|
|
|
27 - 06 - 2017, 05:33 PM
|
رقم المشاركة : ( 3 ) | |||
|
..::| مشرفة |::..
|
رد: حبيب جرجس راجع تانى
موضوع جميل جداااا سلمت يمناكِ المباركة |
|||
|
|
|
28 - 06 - 2017, 06:22 AM
|
رقم المشاركة : ( 4 ) | ||||
|
..::| الاشراف العام |::..
|
رد: حبيب جرجس راجع تانى
روووووووووووووووعه
ميرسى ربنا يبارك تعب محبتك |
||||
|
|
|
28 - 06 - 2017, 06:46 AM
|
رقم المشاركة : ( 5 ) | ||||
|
† Admin Woman †
|
رد: حبيب جرجس راجع تانى
رووووووووووعة حببتي ربنا يفرح قلبك |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| راجع لك أنا تانى |
| وتانى تانى تانى .. الجليد راجع تانى |
| راجع تاني |
| انا راجع تاني |
| ترنيمة راجع لك أنا تاني |
العرض العادي
