بعد فوات الاوان

[walaa farouk]

♦بعد فوات الاوان ....

اعرف بنت ف قمة الادب و الاحترام
كانت بنت اصول وبنت بلد بجد
كانت متخانقه مع خطيبها والموضوع كبر وطلب شبكته
وقال لأهلها كل شيء قسمة ونصيب.
حاولوا كتير يصلحوا بينهم منفعش
فقال لأصحابه لازم اسيبها تتعلم الأدب هي وأهلها ..
يومين بالظبط البنت مستحملتش الوجع ده .. وماتت ..
مكنش على لسانه وقت الدفنه غير كلمتي"أانا كنت راجعلك و الله كنت راجعلك سبتيني ليه
ربنا يرحمها !!

♦ من فتره كده .. كنت قاعد في عياده دكتور اسنان في مره وسمعت واحده بتحكي عن قصه بنت جارتها اللي الضحكه مش بتفارق وشها
و كانت مش بتخلف وأهل جوزها فضلوا يزنوا عليه يطلقها ويتجوز..
فاتفق معاها وهي قالتله موافقه انه يطلقها ويتجوز واحده تانية عشان يرضي أهله وبعدها يبقى يرجعها تاني في نفس يوم جوازه وقعت مقامتش ورجع الراجل ده لاقاها ماتت ، بقي يقولها ده مش اتفاقنا ،
كان غصب عني ، مش انتي وافقتي ..

♦ واحد صاحبي كان بيحكيلي بيقولي في واحد كان جاري
في العماره اللي كنت ساكن فيها ولاده على طول مسافرين
ومعندوش غير ولد هنا في مصر بيبات بره ويسهر للصبح
بس لازم يرجع في الآخر لأبوه ويقوله أنا عارف إنك بتزعل مني
.. سامحني ..
الولد ده مكنش بيشتغل ومعتمد على معاش باباه
و في يوم خرج يسهر فأبو قاله خليك معايا نقعد نشرب شاي فسابه ونزل ..رجع لقي ابوه على نفس الكرسي ميت عاش طول عمره ندمان على كوبايه الشاي اللي متشربتش مع ابوه !!

♦ الندم مش بيفيد بعد فوات الاوان اه شويه زعل بيموتوا وشويه ضغط بيموتوا وشويه قهر بيموتوا .. و كل واحد وله قدره ..

مفيش حاجه مضمونه ومفيش حد هتسيبه تضمن إنك ترجع تلاقيه زي ما سبته الموت والقدر ممكن يعيشوك طول عمرك ندمان .. او ميت والظاهر للناس إنك عايش ..

متنموش زعلانين من بعض متسبوش الزعل ياكل من روحكم ، متبعدوش متوجعوش حد مفيش حاجه مستاهله

♦ "الدكتور أحمد خالد توفيق رحمه الله قال"
لم أري نظرات الحب الحقيقة الا علي عتبات المقابر
والمستشفيات والمطارات نحن اناس لا نتذكر من نحبهم الا في النهاية "

محدش بيقدر قيمة اللي كان في ايده غير لما يتحرم منه.
قصص حقيقه ولكن بعد فات الميعاد !!