الله يعطينا ما لا نتصور و ما لا ننتظر .. الله يستجيب

[sama smsma]

في صلاة باكر ...بنقول تلات مرات هلم نسجد ...بس في كل مرة نقول حاجة مختلفة ...الأولي نسال و التانية نطلب و التالتة نتضرع ...
في الإنجليزية أوضح .
Let us ask ....let us beseech....let us entreat
نسال ...نلتمس ...نتوسل



كل مرة نسجد للمسيح و نضع ذاتنا أمامه في خضوع و حب لا نقوم أو ننهض فارغين ..ما يرجعناش فاضين ابدا ...اول سجود نسال ...فيه مساحة لسه بيني و بينه فيه هيبة علشان هو الهنا ..سوال كده جس نبض ..تقوم و تيجي نسجد تاني تلاقيه مرحب بيك بيديك فرصة تتكلم اكتر و تقرب اكتر .قوم نتشجع اكتر و نلتمس ..نقدم التماس علشان كده نقوله ملكنا يعني احنا رعيته و هو مسئول عننا ...ما نقومش فاضيين تلاقيه منصت و بيشجعك تكمل ...هنا نتضرع و نلح و نتوسل و نرغي و علشان كده نفكره بحبه لينا فنناديه بمخلصنا ...ساعات واحد يقدم طلب و يترفض أو يتأخر قوم يقدم حاجة اسمها التماس للسلطة الاعلي ...بس هنا هو السلطة الاعلي علي طول ...بداية الكلام معاه ليها هيبة ..نسجد و نسال .يمد أيده و يشجعني و يقولي احكي عاوز ايه اسجد تاني و التمس ..اشرح اكتر و احنن قلبه و التمس ..اقوم ..ترحابه و انصاته يجرأني اكتر فاتضرع ..أو اتوسل زي ما التعبير الانجليزي بيوضح ..هنا إلحاح و دالة و مساحة من الحب بيديهاني ...ساعات لما يعدي شحات عليا علي شباك العربية ...ساعات بقسوة قلب ابص قدامي و اتجاهله تلاقيه مشي علي طول ...ساعات قلب يرق شوية بس من غير ما اديله فاقوله ربنا يسهلك ...تلاقيه لما حس اني بديله ريق حلو راح ابتدأ يلتمس ...يقولك حاجة من بتاعتهم ...ربنا يبعد عنك المرض ربنا يخلي لك ولادك ...و لاني عطيته ريق حلو ...اكرر كلمة ربنا يسهلك ...يحس أن فرصته في أنه ياخد زادت .يبدأ يتوسل و يتضرع ...يحاول يخليك ترق و يصعب عليك ...يقولك الحوجة وحشة ربنا ما يحوجك ...طب جنيه واحد افطر ...يحلف أنه عنده عيل مريض أو مش عارف ياكلهم ...و غالبا قلبك بيرق و بتدي له حاجة ....انا بتكلم عن قلب قاسي زي حالاتي ...لكن أتصور حتتكلم بس مع قلب رقيق اوي و بيحب اوي ...و لأنه ليه هيبة اوي فانت مش مصدق أنه حيسمعك ...فبتسجد من هيبته و بتساله ...يقومك و يقولك عاوز ايه ...نتشجع فتلتمس منه ...يقومك و يقولك سامعك ....تسجد و تتضرع و تلح و تزن و هو ما يضجرش و لا ينتهر ...بل يسكت ملائكته ليسمعك ...اب حابب ابنه يكلمه و يحكي معاه
هلم نسجد هلم نسأل المسيح إلهنا. هلم نسجد، هلم نطلب من المسيح ملكنا. هلم نسجد، هلم نتضرع إلى المسيح مخلصنا
الله يعطينا ما لا نتصور و ما لا ننتظر .الله يستجيب



نبيل شحاتة

[Mary Naeem]

هلم نسجد هلم نسأل المسيح إلهنا. هلم نسجد، هلم نطلب من المسيح ملكنا. هلم نسجد، هلم نتضرع إلى المسيح مخلصنا
الله يعطينا ما لا نتصور و ما لا ننتظر .الله يستجيب
ربنا يباركك

[walaa farouk]

ميرسى على الموضوع سمسمة
ربنا يفرح قلبك