هل وجود الشر يلغي وجود الله

[walaa farouk]

في القرن التالت قبل الميلاد،
الفيلسوف اليوناني "أبيقور"
ناقش حُجة منطقية بتوضح علاقة الله بالشر..
قال فيها إنه لو كان في إله في العالم..
فالإله ده لازم يكون كلي القدرة والعلم والصلاح،
ونتيجة لكده لازم يكون ليه سلطان
على القضاء على الشر اللي في العالم..
ولكن مع وجود الشر حوالينا
ده بيشككنا في قدرة وعلم وصلاح الله..
أو بيشككنا في وجود الله نفسه..
لأنه لو الله موجود
يبقى لازم الشر ميكونش موجود..
فهل فعلاً أبيقور كان عنده حق في اللي قاله!؟
قبل ما نتكلم عن علاقة الله بالشر،
محتاجين نوضح أيه أنواع الشر الموجودة في العالم..
وهنتكلم عن أول نوع من أنواع الشر وهو:
1- الشر الأخلاقي..
وده الشر اللي بيحصل نتيجة أفعال البشر السيئة
بشكل مباشر أو غير مباشر..
طيب يا ترى أيه سبب ومصدر الشر ده!؟
لما الله خلق الإنسان إداله حرية إرادة
يقدر من خلالها يختار ما بين الخير والشر..
وقاله إنه لو اختار الشر هيفقد العلاقة معاه،
لكن طول ما اختياره هو الخير علاقته مع الله موجودة
ولما الإنسان اتحط في وقت اختيار حُر ما بينهم..
اختار إنه يتمرد على الله
ورفض بإرادته العلاقة معاه وسقط في الخطية..
وبسقوط الإنسان في الخطية
اتشوهت كل أبعاد شخصيته (الروحية والنفسية والجسدية)
وأصبح الإنسان بيميل للشر
وبيحب يعمله أكتر من حبه للخير..
فبنلاقي الإنسان بيكذب ويقتل
ويسرق ويغضب ويأذي اللي حواليه..
وأنت بتقرا السؤال ده في سؤال مهم
ممكن يجي في ذهنك..
طيب ليه ربنا ميتدخلش ويمنع الشر الأخلاقي
اللي بيحصل من الإنسان في العالم!؟
تابعوني ...