ازاي اتعامل مع لحظات اليأس ؟؟
عارفه اوي الحاله دي بيبقي فيها سواد شكله ايه
وعارفه كمان القرارات بتبقي extreme اد ايه
وممكن بيوت تتهد او طفل ياخد علقه موت
او نسيب شغل محتاجين ليه
او
او
خسائر
خسائر
بس خسائر
وندم
وتبرير لنفسك
وذنب
واكتئاب
وممكن ده كله وللاسف يتغير تاني يوم وتكون لحظه اندفاع
ونكررها
ونخسر
ونكررها
طيب الاول كده
نسأل نفسنا ليه بيحصل كده؟؟
اليأس شعور صحي جدا ربنا خلقه فينا عشان نستسلم ونشوف الحاجه كلها عيوب ونرميها ورا ضهرنا
وزي زي اي شعور لو في محله وبجرعته المناسبه وبعمله اداره بالطريقه المناسبه هيساعدني
لان هشوف نص الصوره بس
النص الأسود
وهيبقي واضح قصادي جدا
واضح وضوح رهيب
بس ياتري النص الأسود ده مؤثر في الصوره الكامله
مؤثر علي حياتي فعلا
عامل مشكله كبيره لدرجه تخليني استغني عن الحاجه كلها
العيوب غلبت المميزات خلاص
ااااه ممكن تكون مش شايف اي ميزه
بس اهدي كده انت يأس دلوقتي وشايف السواد بس
مش هتعرف
مش هتعرف دلوقتي خالص
طيب اعمل ايه عشان أدير لحظه اليأس وأستفيد منها
عشان وصدقوني ربنا عمره ما خلق الانسان فيه حاجه الا عشان تساعده بس احنا مش عارفيين نستخدمنا
روح خد دش ........ اخرج اتمشي ..... ووقف تفكير ومتاخدش اي رد فعل دلوقتي
اول ما تفك وتفرفش شويه
هات ورقه وقلم وجاوب علي الاسئله دي
١-هل المشكله دي هتفضل موجوده بكره
طيب كمان اسبوع
طيب كمان سنه ؟؟؟
٢-طيب ايه تأثيرها الحقيقي في حياتك ؟
٣-طيب ايه اللي في ايدكً تعمله عشان تحل المشكله دي ؟،
٤-طيب ايه اللي في أيد غيرك ؟
٥-طيب ممكن تطلبه منه ازاي ؟
٦-طيب لو حطيت نفسك مكانه ممكن تكون مش راضي ليه ؟
٧-طيب ايه التنازل اللي ممكن أقدمه في المشكله دي وايه اللي مقدرش أقدمه ابدا وايه اللي ممكن اجرب اني أقدمه ؟
٨-طيب ايه قيمّه الحاجه اللي انا متمسك بيها دي هل هي فعلا فارقه معايا للدرجه دي ومستهله اجري ورآها
وبعد ما تجاوب
قرر انت ناوي تعمل ايه
هقبل العيب ده
هتكلم وأحاول ولو الحل ده منفعش اجرب غيره
ولا هعمل ايه
عارف بعد كده هتحسي بايه
هتحسي بالامل
والنضوج
والحكمه
متستخسروش في نفسكم الحكمه والعقل
عمر الاندفاع ما كان الحل الوحيد
وجربتوه وقلبكم مستحملش
جربوا الحكمه
جربوا استخدام نعمه العلم
جربوا تحسوا بقيمتكم وتقدروها ومتضيعوش حقكم بالمبالغة والانفعال في لحظه الياس
الحياه ابسط من كده
صغروها متكبروهاش
