|
 |
 |
 |
|
رقم المشاركة : ( 1 )
22 - 07 - 2012, 09:31 AM
|
|||||||||||
|
|||||||||||
|
مغامرات فظيع وفظيعه
مغامرات فظيــع فظيــعه في يــوم من الأيــام ******************* قرر "فظيــع" إنه يعزم "فظيـعة" على الغدا في مطعم من المطاعم الفظيعة - فيها حاجة دي – لكن الستات الفظيعة دول ما بيعجبهمش حاجة شوفوا الحوار وأحكموا بنفسكوا "فظيــع": تطلبي إيه؟ "فظيــعه": مش عارفة إنت هاتطلب إيه؟ "فظيــع" : أنا هاطلب بيتزا "فظيــعه": ماشي ، وأنا كمان "فظيــع": طيب "فظيــعه": ولا أقولك ، بلاش "فظيــع": ليه عاوزه حاجة تانية "فظيــعه": لأ ، مش عارفه "فظيــع": انتي جعانة "فظيــعه": إممم ، مش عارفه "فظيــع": يعني إيه مش عارفة ، أكيد الواحد بيعرف هو جعان ولا لأ "فظيــعه": نص نص "فظيــع": يعني أطلبلك معايا "فظيــعه": لأ "فظيــع": خلاص "فظيــعه": ولا أقولك ، يمكن أجوع كمان شوية "فظيــع": خلاص هاطلبلك وعقبال ما يجي الأكل تكوني جوعتي "فظيــعه": طيب أفرض لما يجي الأكل أكون لسه ما جوعتش! "فظيــع": خلاص ، خلي الأكل قدامك ولما تجوعي إبقي كلي "فظيــعه": ما كده الأكل هايبرد "فظيــع": خلاص نطلب أكل تاني "فظيــعه": بس كده يبقى تبذير "فظيــع": نبقى نأخد الاكل البارد معانا تيك أواي ونبقى نأكله بعدين "فظيــعه": طيب إفرض ما كان ليش نفس للبيتزا بعدين "فظيــع": خلاص أكلها أنا "فظيــعه": وأنا ما أكلش "فظيــع": جننتيني ، يعني اطلبلك ولا بلاش "فظيــعه": بلاش احسن "فظيــع": خلاص أنا هاطلب لنفسي علشان انا جعت جدا "فظيــعه": ماشي (لسه "فظيـع" الغلبان هايطلب البيتزا) "فظيــعه": بس أطلب بيتزا بالتونة "فظيــع": بس أنا مابحبش البيتزا بالتونة "فظيــعه": بس أنا بحبها "فظيــع": بس أنا إللى هاكلها "فظيــعه": ما يكمن على ما يجي الأكل أكون جعت وأكل معاك "فظيــع": هو أنتي عاوز تأكلي ولا لأ "فظيــعه": إحتمال "فظيــع": يعني أنا لازم أطلب بيتزا بالتونة علشان إنتي (إحتمال) تأكلي معايا "فظيــعه": أيوه بالظبط "فظيــع": طيب لو أنتي جوعتي وأكلتي البيتزا بتاعتي أنا هاكل إيه؟ "فظيــعه": ما انا ممكن ما أكلش أصلا معاك "فظيــع": رحمتك يا رب "فظيــعه": مالك فيه إيه ؟؟ "فظيــع": يعني دلوقتي لو أنتي ما أكلتيش ، أنا هاكل بيتزا مش بحبها "فظيــعه": يعني أنت تاكل و أنا ما أكلش؟! "فظيــع": !!!!!!!!!!!!!!!!!!!!. . . . --- قررت محكمة الجنايات الفظيعة الإفراج عن "فظيع" المتهم بتهمة "قتل "فظيعة" مع سبق الإصرار والترصد" وإعتبار القضية "دفاع فظيع عن النفس" منقول 
|
|
22 - 07 - 2012, 04:30 PM
|
رقم المشاركة : ( 4 ) | ||||
|
..::| مشرفة |::..
|
رد: مغامرات فظيع وفظيعه
ههههههههههههههههههههههههههههههههه
بجد جبااااااااااااااااااااارة يخرب عقلك يابت جبتيها منين دى |
||||
|
|
|
22 - 07 - 2012, 04:35 PM
|
رقم المشاركة : ( 5 ) | ||||
|
..::| VIP |::..
|
رد: مغامرات فظيع وفظيعه
تحفه بجد يا كوكى فظيعه قووووووووى فظيعه وفظيع كمان فظيع هههههههههههههههههه |
||||
|
|
|
23 - 07 - 2012, 12:10 AM
|
رقم المشاركة : ( 6 ) | ||||
|
..::| مشرفة |::..
|
رد: مغامرات فظيع وفظيعه
ههههههههههههههههههههه
|
||||
|
|
|
23 - 07 - 2012, 09:08 AM
|
رقم المشاركة : ( 7 ) | ||||
|
† Admin Woman †
|
رد: مغامرات فظيع وفظيعه
ههههههههههههههههههههه
|
||||
|
|
 |
|
العرض العادي
