4 هدايا شخصية من قصة ميلاد المسيح 😍

[walaa farouk]

1) لو بتدور على الحقيقة لازم هتوصل لها
زي المجوس اللي مشيوا
ورا سر ظهور النجمة المختلفة دي
اللي بتقول إن في ملك عظيم اتولد،
وكان في محاولات لتشويشهم 👇،
بس في الآخر وصلوا.

2) ميلاد المسيح قادر
على تغيير حياة كل الناس بلا استثناء
كل اللي صدقوا وتفاعلوا مع حقيقة ميلاد المسيح العجيب
حياتهم اتغيرت من أول الرعاة والمجوس
من أكتر من 2000 سنة ولحد النهاردة،
تقدر تستمتع بالهدية دي دلوقتي

3) الله بقى أقرب جدا وينفع نكون
في علاقة شخصية معاه
متخيل جمال وعبقرية فكرة إن الله غير المحدود
العظيم المهوب دا يبقى إنسان شبهنا ونقدر نشوفه
وندركه بحواسنا الخمسة!،
وكمان يكون لينا امتياز العلاقة القريبة
القوية دي معاه!

4) مهما كانت إمكانياتنا ضعيفة،
قادر يستخدمها بقوة
المسيح اتولد في أفقر وأبسط مكان،
في عيلة مكنش عندها أي إمكانيات
غير طاعتها لكلام الله واستقبال عمله المعجزي،
متخيل هيكون صعب عليه يستخدم إمكانياتك البسيطة
ويعمل بيها عمل عظيم!؟.. أكيد لا ✋

[بشرى النهيسى]

فى منتهى الروعه
ربنا يفرح قلبك

[walaa farouk]

ميرسي علي مرورك الغالي