|
 |
 |
 |
|
|
|
رقم المشاركة : ( 1 )
17 - 03 - 2023, 10:21 AM
|
|||||||||||
|
|||||||||||
 من الحاجات اللي تصالحت معاها من زمان في الدنيا وارتاحت هي اني مش لازم ابقى احسن واحد في كل حاجة، مفيش وقت ولا طاقة ولا امكانيات اني اكون احسن واحد في كل الحاجات اللي بحبها او بتهمني، دي عملية شبه مستحيلة، محتاجة سوبرمان وانا شخص عادي، اعتقد اني كويس بس اكيد مش سوبرمان، ودي كمان تصالحت معاها من زمان بالتالي قدامي اختيارين، اما اني اسعى اكون احسن واحد في شئ واحد ، او اني اكون كويس في اكتر من شئ اختارت الاختيار التاني لاني مش عايز اهدر حياتي مسجون جوه فكرة واحدة او عالم واحد او مسار واحد وتفوتني باقي المسارات، انت اصغر والعالم اوسع من انك تعرف اصلا ايه هو احسن مسار ليك، انت كمان محتاج تعرفه وانت صغير عشان يبقى عندك وقت تمشيه، شبه مستحيل زي ما قلتلك، فاختارت اني احاول اكون كويس جدا في حاجة وكويس بس في حاجة تانية ومعقول في حاجة تالتة وعندي فكرة بسيطة عن حاجة رابعة وخلاص مش لازم ولا بقيت عايز اكون الاحسن والافضل والاعظم، تحررت من ضغط المصطلحات دي من زمان يرضيني احس اني تمام، وكده تمام لو شايف كلامي ده قلة طموح فاتمنى لك حظ سعيد في عملية طحن حياتك ارضاءً للمصطلحات اللي اتصنعت عشان تتحكم فيك وتقررلك مصيرك وتحددلك رضاك عن حياتك العب انت، انا مش لاعب #فضفضة_مش_روحية 
|
 |
|
| قد تكون مهتم بالمواضيع التالية ايضاً |
| الموضوع |
| حباية فضفضة |
| فضفضة مع يسوع |
| مجرد فضفضة |
| فضفضة |
| فضفضة بنات |
العرض المتطور