اسكتش مكتوب حوار بين يونان والحوت
يدخل الحوت
الحوت: ياااه الواحد تعبان خالص النهارده وصاحى بدرى والجو سقعه خالص ليه كدا وكمان جعان اروح ادور على شوية سمك اكلهم عشان جعان
يخرج الحوت ياكل شوية
هم هم هم يدخل يونان جوه بطن الحوت
الحوت: ايه ده اى اللى بلعته ده شكلى بلعت حاجه غريبة
الحوت : انت مين انت مين
يونان : انا اسمى يونان
الحوت: يونان مين يونان ده وايه اللى جابك هنا
يونان : اصل انا ربنا كلمنى قالى يلا روح بلد اسمها نينوى عشان هما مش بيصلوا وبعدين عن ربنا وبيضربوا بعض ويتخانقوا ويشتموا على بعض وقولهم توبوا ومتعملوش حاجه وحشه خالص تانى عشان ربنا ميزعلش منكم
الحوت: امممم وبعدين
يونان : وبعدين قعدت افكر انا لو رحت نينوى دى ناسها مش حلوه ممكن يموتونى قولت اروح اهرب من ربنا احسن حاجه
الحوت: تهرب من ربنا ازاى ده هو شايف كل حاجه
يونان : ايوه طبعا انا فكرت غلط وقولت اهرب اروح بلد بعيده عشن محدش يشوفنى بس طبعا ربنا شايفنا كلنا فى اى مكان هنروحه
الحوت : اه وبعدين يا يونان
يونان : وبعدين ركبت السفينة وفجاه كدا لقيت مطر شديد وهوا شديد خالص كانت السفينة هتتكسر وانا كنت نايم من جوه ولقيت الناس فى السفينة بتصحينى
الحوت: ليه كدا
يونان : ايوه صحونى عشن اصلى لربنا بس انا كنت قاعد
الحوت: وبعدين حصل ايه
يونان : وبعدين قالوا تعالوا نعمل قرعه نشوف مين اللى بسببه حصلت المصايب دى وعملوا قرعه
الحوت: يعنى ايه قرعه يا يونان
يونان : يعنى نكتب كل واحد اسمه فى ورقه ونلخبطهم وبعدين نختار اسم منهم من غير ما نشوف
الحوت: وطلع اسم مين فيها
يونان : طلع اسمى انا
الحوت : ياااه وعملت ايه
يونان : قالولى عملت ايه رحت حكيت ليهم كل حاجه
وقعدنا نحرك ف السفينة ونرمى كل حاجه فيها بردو مفيش فايده عشن كانت السفينة هتغرق
الحوت : وحصل ايه تانى
يونان : بعدين قولتلهم ارمونى فى البحر عشن يهدى البحر ومتحصلش ليكم حاجه وطبعا رمونى لقيت نفسى جوه بطنك يا حوت
الحوت: اااه صح شفت انت ليك ثلاث ايام ف بطنى وانا حاسي كدا هعطس عطسة كبيرة اطلعك من بطنى
اوعى اوعى عطسى
يخرج يونان من بطن الحوت
يونان انا دلوقت احسن حاجه اروح نينوى واخليهم يسمعوا كلام ربنا ويتوبوا ويخرج يونان
