|
 |
 |
 |
|
رقم المشاركة : ( 1 )
22 - 10 - 2022, 12:37 AM
|
|||||||||||
|
|||||||||||
 انا مين هو انا الشخص القديس اللى بيكتب حاجات كويسة على الفيسبوك وبينزل وعظات ولا انا الشخص بينه وبين نفسه فى خطية واقع فيها وحاسس بالذنب طول الوقت هو انا الشخص اللى بيكلم الناس على الماسنجر والواتساب بالساعات ولا انا الشخص الانطوائى اللى مش بيقدر يكلم الناس ولما بيتكلم مش بيقدر يكمل كلمتين على بعض .... حقيقة معظمنا عايشها الوقت دة انه مش عارف هو مين بالضبط ، المسيح وهو على الارض كان دايما بيمتدح الناس اللى عارفة حالتها كويس جدا مش مهم حالتهم اية ومش مهم نوع الخطية او نوع العجز اللى هما فيه لكن مهم يكونوا عارفين مشكلتهم وعارفين انه مهم يتغيروا كان دايما بينتقد الفريسيين ويشبهم زى القبور انها مبيضة من الخارج لكن من جوة ريحة الموت ، لكن دايما كان بيعيش مع العشارين والخطاة وكان بياكل معاهم وكان بيتهموه هو ازاى بيعمل كدة .. لكن المسيح قال اية مشهورة جدا " لا يحتاج الاصحاء الى طبيب بل المرضى " علشان كدة راح للسامرية مشوار كبير اوى رغم الخطية اللى هى كانت فيها ورغم الحالة السيئة اللى كانت فيها علشان يغيرها ومش بس كدة دة راح لذكا ونده عليه وقاله عاوز اتعشى فى بيتك انهاردة علشان كدة حابب اشجعك مش مهم شكلك اية سواء قدام نفسك او قدام الناس المهم هو اللى جوه شكله اية علشان كدة اشجعك متتعايش مع الازدواجية متعش بوشين روحله وهو يقدر يغيرك روحله وهو عنده رجاء وامل ويقدر يجددك ويخليك تعيش حالة واحدة بس وهى حالة من التغيير والتجديد لانه هو الوحيد اللى يقدر يعمل المعجزة دة فى حياتك ✨😍❤ 
|
 |
|
العرض العادي
