ليكي إله حاسس بيكي وشايفك

[walaa farouk]

كلنا عارفين قصة حب يعقوب لراحيل،
لكن بين سطور القصة دي بنشوف ليئة،
ليئة الأخت الكبيرة ضعيفة النظر اللي بتفتقد القبول من اللي حواليها،
أهلها جوزوها ليعقوب رغم انه مكنش بيحبها وفضل قلبه
متعلق براحيل،
لكن الله كان ليه نظرة تاني،
وَرَأَى الرَّبُّ أَنَّ لَيْئَةَ مَكْرُوهَةٌ فَفَتَحَ رَحِمَهَا (تكوين 29)
ليئة في نظر الله كانت مثمرة ومقبولة ومحبوبة،
الله أعطاها نسل يفرح قلبها اللي اتوجع كتير،
ليئة عانت من استنزاف لمشاعرها لأقرب الناس ليها،
لكن الحقيقة ان هي كانت متشافة وإلهها قدر يعوض قلة حيلتها،

لو انتي انهاردة بتعدي بمشاعر تشبه لمشاعر ليها، افتكري إنك ليكي ملجأ وليكي إله حاسس بيكي وشايفك،
افتحي عينيكي عليه واستقبلي محبته..