|
 |
 |
 |
|
رقم المشاركة : ( 1 )
30 - 01 - 2021, 12:37 AM
|
|||||||||||
|
|||||||||||
 الابن الشاطر (الابن الأصغر) (لوقا 15) في إنجيل معلمنا لوقا الأصحاح ال15 يروي لينا 3 أمثلة الخروف الضال - الدرهم المفقود - الابن الضال وكأن الرب بيعلمنا أن مهما كانت حالتك الله يريدك ويبحث عنك وملخص المثل أن كان لأب ابنين الاصغر قال لأبيه عايز الجزء اللي يخصني من الميراث واخده ومضى بعيد وبذر ماله بعيش مسرف ولما فرغ ماله حدث جوع في الأرض فتذلل ولما رجع لنفسه قرر انه يرجع لأبيه وأبوه ضرب مثل لمحبة الرب لينا برغم خطايانا وقبله أبوه وعمل ليه احتفال عظيم ورده لمرتبه الأولى تعالوا نتعرف اكتر على الابن الشاطر 1- الاتكال الوهمي في أوقات شعر الابن الأصغر انه يقدر يعيش من غير خير أبوه مع إن المثل يذكر ان الابن الأصغر لم يعمل أي شيء في البيت أو الحقل بدليل إن الابن الأكبر هو اللي كان شغال وتعبان ولكن مع كتر الخير أصيب الابن الأصغر بالاتكال الوهمي انه يقدر يعيش لأن كل شيء سهل طول ما معاي فلوس كل شيء سهل 2- الانفصال عن أبوه كان ممكن يطلب من أبوه أي شيء وهو موجود وزي ما قال الأب لابنه الأكبر "كل ما لي فهو لك" لكنه قرر انه ينفصل عن النعمة قرر انه يبعد عن الغنى الحقيقي 3- لعبة في يد الشيطان زي ما الحيوان المفترس ينتظر الفريسة تخرج من القطيع علشان يفترسها ده اللي حصل مع الابن الأصغر مجرد ما خرج من بيت أبوه أصبح لعبة في يد الشيطان أولا: بدد أمواله اللي هي نعم أبوه عليه ثانيا: كسر كرامته ومجده أنه اشتغل يخدم الخنازير فأصبح في حقل الخطايا آجير بعد ما كان بيت أبوه أمير 4- الابن الشاطر كان شاطر انه رجع إلى نفسه هو حاول يعند مع نفسه لكنه عرف انه كل ما يعدلها تتقلب أكتر فكر انه يشتغل علشان يعوض خسارته زادت ديونه بل وفقد كرامته وأصبح عبد للخطية لكنه رجع لنفسه وقال" كم من أجير لأبي يفضل عنهم الخبز وأنا هنا أهلك جوعا" لكن لو رجعت دلوقت ممكن يقتلوني أو يطردوني لإن اللي يبدد ميراثه بين الأمم جريمة كبيرة في الشريعة لكنه فكر انه أفضل ليه يكون أجير في بيت أبوه الرحوم من أنه يكون أجير للخطية تعالوا نطبق اللي اتعلمناه 1- مهما كان ما تملك من صحة أو مال أو سلطة فلا تتكل عليها لأنها مثل العصاية المدببة مجرد ما تتكل عليها هتجرحك ولأنها غير ثابته فتسقط ويكون سقوطك عظيما 2- مهما حصل لا تحاول الانفصال عن حياة الشركة مع الله والمؤمنين استمر في الإيجابيات مهما كانت السلبيات اذا سقطت تب ، إذا وقعت قم ، ولكن لا تنفصل بعيد حتى لا تكون لعبة في يد الشيطان 3- ارجع لنفسك كل يوم وحاسبها على كل خطأ ولا تكن متراخيا في محاسبة نفسك احكم على نفسك قبل أن يحكم عليك 
|
|
العرض الشجري