|
 |
 |
 |
|
رقم المشاركة : ( 1 )
16 - 06 - 2016, 11:16 AM
|
|||||||||||
|
|||||||||||
 الحياة مع ربنا بتبقي ماشية جميلة ومُعزية لحد نقطة معينة كدة.. نقطة صعبة.. زي ماتقول كدة ربنا بيطمع فيك زيادة، من فرط حبه بيبقي عايز يرتبط بيك للأبد.. ارتباط رسمي مفيهوش رجوع. فا يقولك "قدم اسحق ذبيحة".. إديني اغلي ماعندك.. استغني عن ادمانك للحاجة دي او للشخص ده.. ارمي خطيتك المحبوبة.. سيب حتي ذاتك واتبعني. وساعتها بقي بيبان معدنك الروحي.. بتحبه فعلاً ولا عايش معاه عشان معندكش اختيار تاني؟ ولا هو حب مصلحة؟ ولا بتحبه بس بحدود.. وفي مناطق معينة في حياتك ماينفعش يقربلها او يتدخل فيها؟؟ مشكلة النقطة دي أن مافيهاش حل وسط.. مش هاتعرف تتذاكي فيها، أو تتحجج أو تهرب. فا هي حاجة من الاتنين.. يا تقوله زي بطرس "ها قد تركنا كل شئ وتبعناك".. يا تسيبه زي باقي الناس وتقوله "يا سيد هذا الكلام صعب". 
|
|
العرض الشجري