|
 |
 |
 |
|
رقم المشاركة : ( 1 )
20 - 12 - 2017, 11:32 PM
|
|||||||||||
|
|||||||||||
|
عقبال كل بنوته لسه مجالهاش عدلها وربنا يسعد كُل المتجوزين .. بس لو سألت أي حد فينا إيه الموقف اللي حصل في فرح شوفته ع النت وأثر فيك ؟ هيقولك مثلاً شوفت فرح العريس قام من الكوشه وشال أُمه العجوزه ولف بيها وهو بيغنيلها " يا رب يخليكي يا أمي " والمعازيم عيطوا لأن الموقف أثر فيهم .. علي فكره هو لو كان شال عمته .. خالته .. جدته .. كُنا هنتأثر برضه .. لأن الفكره فكرة تقدير .. إني أفتكرك وسط اللمه .. أقدرك وأميزك بحُضن .. بضحكه .. رغم إنشغالي .. مهو الفكره مُش فكرة إني بكلمك لما أفضي الفكره فكرة إني أفضيلك نفسي رغم إنشغالاتي .. - - زي ما الفوار بيهدي أي حرقان في الصدر .. - زي ما اللحاف الفيبر بيدفي الواحد في عز التلج اللي إحنا فيه ده .. - زي ما شوية البنزين من غيرهم العربيه تقف وبيهم بتمشي .. كذلك التقدير .. بيهدي أي مُشكله .. بيدفي العلاقات ويحتويها .. بيمشيها ميوقفهاش .. عُمرك كتبت بالجاف علي ورقه وعرفت تمسحه ؟ التقدير برضه مبيتمحسش لأنه بيعلم بالجاف في قلب اللي قدرته .. ضحكه لإبنك وهو بيذاكر وقوله " ربنا يوفقك " إنت كده قدرته .. تكلم صاحبك أو مراتك او تكلمي صاحبتك وإنتي بتبصيلها مُش بتبحلقي في التليفون ده برضه تقدير .. جوزك داخل عليكي ولو بكيس عيش تطبطبي علي صدره وتقوليله الله مايحرمنيش منك .. تقول لصاحبك الطقم اللي عليك شياكه .. إتأخرت علي ميعاد مفيش مشكله إعتذر .. ساعتها هتطفي نار الزعل في قلب اللي قدامك لأنك قدرته .. ياخي حتي وإنت معدي الطريق هتلاقي عربيه بتهدي واللي فيها بيشاورلك ويقولك عدي .. بيقدرك .. قدره إنت كمان وارفعله إيدك وابتسم وقوله شُكرًا .. ساعتها هيكررها مع غيرك .. قوم إعمل لنفسك شاي وقول لمراتك الصُبح : محبتش أصحيكي لأني حسيتك همدانه .. هتفكرهالك .. حتي ربنا سُبحانه وتعالي بيحب العبد اللي بيقدَر فبيقول : لئن شكرتم لأزيدنكم .. قدر النعمه وإشكرني ساعتها هزيدك .. فعلاً رجاله وستات مستعدين يشقوا ليل نهار وينسوا اي شيء بيبذلوه مقابل كلمة تقولها الست لراجلها " دنا غرقانه في خيرك وعايشه بحسك " و الست كذلك مُش مستنيه تقوم تاخدلها الهدوم فومين, مستنيه بس تقولها الشقه متروقه وآخر جمال .. الهدوم نضيفه تسلم إيدك، تطيب خاطرها بحُضن دافي وبوسه علي دماغها وتقول بحبك يا ست الناس ياسنداني .. وبس .. شكسبير بيقول : لا تُبادلني الإهتمام فقط أقنعني أنك تستحقه ! 
|
|
21 - 12 - 2017, 12:07 PM
|
رقم المشاركة : ( 2 ) | ||||
|
† Admin Woman †
|
رد: التقدير مبيتمسحش
لا تُبادلني الإهتمام فقط أقنعني أنك تستحقه
صح يا قمر ربنا يباركك حببتي |
||||
|
|
|
21 - 12 - 2017, 08:38 PM
|
رقم المشاركة : ( 3 ) | ||||
|
..::| الإدارة العامة |::..
|
رد: التقدير مبيتمسحش
ميرسى على مرورك الغالى  |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| التقدير عظيم |
| التقدير فيه كل الطمأنينة |
| إن لم تجد التقدير في قلب من تحب |
| التقدير |
| التقدير فقط |
العرض العادي
