بنتي بتكتئب كتير من غير سبب 😢
كنت بحضر workshop وكانت المحاضره بتحكي عن بنتها
وبتقول
بنتي جت من المدرسه النهارده مضايقة
ولما سألتها ايه اللى مضايقك
قالت مفيش حاجه
بس فضلة متغيرة طول اليوم ومش على طبيعتها
ولما حاولت اخرجها من المود ده بأكتر من طريقة
زي اني اهزر معاها
أو اعرض عليها نخرج نتمشي
او حتي ازعلقها
فشلت
ومفرقش كتير معاها ورجعت للحاله اللى هي فيها تاني
وده بقى مأثر عليا انا شخصيا
افتكرت تجربة واحده صاحبتي مع بنتها لما كانت بتخرجها من المواقف الصعبه بالحل والتركيب(ميكانو ، ليجوا ، او حتي ساعه واقفه هتفكها وتركبلها حجر😁
ولان دي كانت موطن قوة واضح عند البنت كان بيخرجها من اى مود وحش للاستمتاع
وانا علشان عارفه ان الابداع الفني موطن قوة واضح عند بنتي🎨
قولتلها اني محتاجه اعمل كارت معايده لواحده صحبتي بس بشكل مختلف
وجبتلها خامات الكارت من درج ال Art عندنا وطلبت منها تساعدني
فى الأول كانت بتعمل من غير نفس ووشها مكشر جدا
بس بسرعه قوة موهبتها غلبت ومن غير ما تحس اندمجت وشويه بشويه بدأ وشها يتعدل وتتكلم وهي بتشتغل على الكارت☺
وبدأت تحكي بتلقائيه شديده عن صحبتها المريضه بقالها اسبوع ومبتجيش واد ايه ده مزعلها
اتعاطفت من مشارعرها وعرضت عليها نروح نزورها ونطمن عليها بنفسنا
وافقت وهى فرحانه
وحددنا اكتر من معاد مناسب لينا ووعدها اني هتواصل مع مامتها علشان نشوف المعاد المناسب لهم
ومن هنا الكارت خلص ومودها اتحسن وحلينا المشكله
باستخدام نقطة قوة واحده بس من نقط قوتها
وده لان نقط قوتنا لما بنستخدمها بتحسسنا بالسعاده والاستمتاع
لانها فطريه واكتر حاجه بنعرف نعملها بسهوله وراحه .
