|
 |
 |
 |
|
رقم المشاركة : ( 1 )
14 - 11 - 2020, 08:02 AM
|
|||||||||||
|
|||||||||||
 " متحطش لربنا العقدة في المنشار .." مثل بصراحة جه في بالي لناس كتير اتقابلوا مع ربنا وحطوا لربنا العقدة في المنشار ... المثل ده معناه الحرفي : ان لما النجار بيقطع الخشب . . بيحاول يتفادي حاجة اسمها العقدة (ودي عبارة عن مكان تفرع الغصن من جسم الشجرة ) .. لان بتبقى عاملة ذي الزلطة لو جه فيها المنشار هتسيب في مكانها فراغ في الخشب وهتبوظه ..) اما المعنى المقصود من المثل الناس اللي بتحط شروط مستحيلة ... فاللي قدامهم يعجز عن التفاوض او التفاهم .." وللاسف ناس كتير اتقابلوا مع ربنا يسوع وحطوا العقدة في المنشار .. بس نسيوا ان ربنا اصلا كان نجار .. ونجار شاطر كمان .. يقدر يعدي العقدة من المنشار ويطلع شغله مظبوط 👌 مثال على كدة مرثا اخت العازر .. حطت لربنا العقدة في المنشار وقالت "قد انتن " .. وربنا عدى العقدة من المنشار واقام لعازر من الموت بعد ان انتن .. مريض بركة بيت حسدا .. لما ربنا سأله " اتريد ان تبرأ " رد وقال "يا سيد ليس لي انسان " .. وربنا شفاه من غير البركة ومن غير مساعدة الانسان . .. شفاه بكلمة من فمه خادم يايرس رئيس المجمع .. جه ليايرس وربنا يسوع وهما خلاص على وصول لبيت يايرس وقال : "لا تتعب المعلم ابنتك قد ماتت " .. وربنا اصر انه يروح بيته واقام ابنته ... اندراوس قال لربنا في معجزة اشباع الجموع :" هنا غلام معه خمسة ارغفة وسمكتين ولكن ما هذا لمثل هؤلاء " وربنا اشبع الجموع بالخمس خبزات والسمكتين .. متحطوش لربنا العقدة في المنشار .. وتقولوا مستحيل الحاجة دي تحصل .. لأن الهنا اصلا .. اله المستحيلات متنسوش وعده : " الغير مستطاع عند الناس مستطاع عند الله " 
|
 |
|
| قد تكون مهتم بالمواضيع التالية ايضاً |
| الموضوع |
| الأفعى ذات القشور «المنشار» |
| سمكة المنشار سمولتوث |
| متحطش علامات استفهام لربنا؟؟؟؟ |
| كيف يعمل المنشار الالي ؟ |
| متحطش امل فى حد |
العرض العادي
