اخر شقاوة

[Marina Greiss]

كان فى فار صغير كان كل يوم يدخل اى مطبخ فى اى بيت يدور على اكل وكان هناك برطمان كبير فيه عسل فكان يحط ديله فية ويلحس العسل من ذيله وفضل كل يوم يعمل كده لما فى يوم شافه القط الكبير اللى كان فى البيت اللى دخله فضل يضرب الفار وقطع ذيلة فضل الفار يعيط ويتحايل على القط انه يسيب ذيله وافق القط ولكن بعد ما يحضر الفار لة لبن ليشربة القط

راح الفار بسرعه الى البقرة يطلب منها لبن علشان يرجع القط لة زيلة فقالت لة هات لى برسيم وانا اديلك لبن فجرى الفار للفلاح وقاله انة يريد برسيم ليعطية للبقرة والبقرة هتديله لبن علشان القط علشان يرجعله ذيلة فوافق الفلاح ولكن بشرط ان يحضر لة الفار لحم
فجرى الفار الى الجزار واخبرة انة يريد قطعه لحم ليعطيها للفلاح علشان يعطية برسيم يعطية للبقرة علشان تعطية لبن واللبن يعطية للقط فيعطية القط ذيلة فوافق الجزار ولكنة طلب من الفار ان يحضر لة خبزا
فجرى الفار الى الخباز وقاله انة عايز خبزا يديه للجزار والجزار يديله لحما ييديها للفلاح والفلاح يديله برسيم علشان البقرة والبقرة تديله لبن يديه للقط والقط يديله ذيلة

غضب الخباز لحكاية الفار واداله خبز كبير وطلب منة ميعملش شقاوه فى الدكان واللعب فى الدقيق فوافق الفار على الفور ووعدة انه مش هيقرب من محل الخباز وجرى الفارالى الجزار واداله الخبز واخذ اللحم وبعدين راح الى الفلاح واداله اللحم واخذ البرسيم وجرى بالبرسيم الى البقرة واداهاالبرسيم واخذ اللبن واخد اناء اللبن وهو فرحان بسرعه الى القط الذى نفذ وعدة واداله ذيلة
اخد الفار ذيلة وهو فرحان ومن ساعتها مقربش من العسل ولا من المنزل الذى فية القط

شفتو اخر الشقاوة اية ؟