ابونا يعقوب ماكنش حد شهوانى او مندفع او مراهق لما حب راحيل واشتغل 14 سنه فى الشقى والتعب والحر والبرد لا ده كان عارف قيمه الهديه اللى هياخدها من ايد ربنا هديه هيجى من نسلها اعظم ابنين فى الكتاب المقدس يوسف اللى انقذ مصر من الجوع وبنيامين ... ابونا يعقوب لو كان عايش اليومين دول كانت الناس سرقت فرحته وحبه هيلاقى اللى يقوله يا عم ده لو ربنا رايد كان سهل المواضيع اكيد دى مش من نصيبك ربنا شايلك الاحسن يا عم خليك راجل فى 1000 غيرها هيلاقى اللى يقوله البنات كلها زى بعض هيلاقى اللى يقوله دى نكديه ومتنفعكش او اللى يقوله دى تنكه او رخمه بس مش عارف هو ممكن يكون كان فى ناس حواليه قالوله الكلام ده ولا لا ... ممكن بس فى الاخر هو كان مركز وعارف هدفه لانه كان بيحبها جدا جدا حتى فى رجوعه عند اخوه كان مرتب زوجاته وحاطط يوسف وبنيامين وراحيل اخر ناس علشان لو حصل حاجه يلحق يفديهم ... الخلاصه ... لو بتحب حد حبه براحتك ومتخليش حد يسرق الحب ده من جواك اصل حبك ليه هيخلى عينك بتلمع وهيخليك مبسوط وعندك طاقه ونشاط تقدر تشتغل اكتر زى ابونا يعقوب ... الحب يجعل الامور المستحيله ممكنه ... لم يفكر ابونا يعقوب فى صحته او سنه او جمالها بعد ال 14 سنه دى هيكون بقى شكلها ايه خالص خالص هو حب روحها وجمالها الداخلى ... نصيحه لو لقيت راحيل امسك فيها متسيبهاش ولو لقيتى يعقوب اوعى تفرطى فيه لانه مش هيتعوض بالسهل الحب فعل مش كلام .
عارف انى فى كتير هيكون مختلف معايا بس لكل واحد وجهه نظر يحترم عليها لكن احنا قدام مثل فى الكتاب المقدس لا يوجد عليه خلاف او تشكيك
13 - 06 - 2017, 10:30 PM
رد: ركز شويه
العرض العادي
