وصفات سمك صيامى للمسيحين

[walaa farouk]

صينية سمك على الطريقة الإيطالية

وصفة سهلة وسريعة التحضير.. تنفع من الأسماك الى قشرتها عريضة زى الدنيس, الشعور, المرجان والبورى. يخاف البعض من تلك الوصفة بسبب كمية الملح الكبيرة ولكن لا يلاحظ اطلاقا أى طعم مالح فى السمك بعد التقديم.

المطبخ الإيطالى مأكولات بحرية المطبخ الأوروبى وجبات صيامى الأطباق الرئيسية

الوقت

وقت التحضير : 10 دقائق
وقت الطهي : 25 دقيقة
الوقت الكلى : 35 دقيقة



الادوات المستخدمه

صاجة فرن
ورق فويل
المقادير

10 x كيس ملح
1 x عدد سمكة كاملة

الخطوات

هنفتح بطن السمكة وننضفها كويس ونغسلها بالماء, ومش هنقص الزعانف ولا هنشيل القشر
نغلف صاجة الفرن بورق فويل ونفرش عليها نص كمية الملح
نرّص السمك فوق الملح ونقفل بطنه كويس علشان الملح ميدخلش جوة السمكة.
نغطى السمك بالملح تماما بنصف كمية الملح الى فاضلة
نرّش الملح ببخاخة ماء علشان يتماسك, وساعتها هيبان أجزاء أعلى من أجزاء.. هنساوى الملح تماما بحيث يكون متناسق الشكل.
نسخّن الفرن ل 200 درجة مئوية وندخل الصاجة لمدة 20 دقيقة أو لحد ما الملح يصفر ويتشقق.
هنطلع الصاجة من الفرن ونكسر الملح بمعلقة ونرميه.. وهنقدم السمكة مع أرز وصوص
ملاحظات

- يمكن عمل صوص ووضعه على السمك بعد تكسير الملح وإن كان من الأفضل تجربة الوصفة لأول مرة بدون إضافات. - كبديل لرش الماء على الملح





سمك مشوى على الطريقة الهندية

سمك مشوى من المطبخ الهندى. الوصفة تنفع مع اى سمكة كبيرة من أنواع اللوت او القاروص او المرجان أو قشر البياض.

المطبخ الهندى المطبخ الأسيوى مأكولات بحرية وجبات دايت وجبات صيامى الأطباق الرئيسية

الوقت

وقت التحضير : 15 دقيقة
وقت الطهي : 20 دقيقة
الوقت الكلى : 35 دقيقة



الادوات المستخدمه

صاجة فرن
سكينة حامية
وعاء زجاجي كبير
المقادير

2 x معلقة كبيرة عصير ليمون
2 x معلقة كبيرة زيت زيتون
2 x عدد كزبرة خضراء
2 x عدد فص ثوم
2 x عدد فص ثوم (مفروم)
2 x معلقة صغيرة زعتر (فريش مفروم)
2 x عدد زعتر (فريش عيدان)
2 x عدد بقدونس طازج
1 x معلقة صغيرة بابريكا
1 x عدد ليمونة (مقطعة شرائح)
1 x عدد سمكة كاملة (كيلو ونصف)
1 x معلقة صغيرة ملح
1 x عدد قرن فلفل حامى
1 x معلقة صغيرة كركم
½ x معلقة صغيرة بهارات سمك
مقادير صوص حار للسمك المشوى

2 x معلقة كبيرة عصير ليمون
2 x عدد فص ثوم (مفروم)
1 x عدد قرن فلفل حامى (مقطع لقطع صغيرة)
1 x كوب كزبرة خضراء
1 x معلقة صغيرة كمون
¼ x كوب زيت زيتون

الخطوات

هنفتح السمكة من بطنها وننضفها كويس جدا وبالسكينة هنعمل فى السمكة شقوق طولية من الجنبين وندعكها كويس بالملح ونسيبها على جنب.
فى بولة هنضيف معلقتين زيت الزيتون ومعلقتين عصير ليمون والزعتر والبابريكا و بهارات السمك و الثوم ونخلطهم كويس جدا
بفرشة هندهن السمكة بالتتبيلة من الجنبين.
هنحشى بطن السمكة بعيدان الكزبرة والزعتر والبقدونس وقرن فلفل حامى وفصين ثوم صحاح وشرائح الليمون.
هنجيب صاجة شوى وندهنها بجزء من التتبيلة ونفرش الأرضية بعيدان كزبرة وزعتر ونضيف السمكة ولو متبقى جزء من التتبيلة هنضيفه على الوش.
هندخل السمكة الفرن على درجة حرارة 180 لمدة ربع ساعة وبعدين نحطها 5 دقائق تحت الشواية
هنحضر صوص للسمكة
فى طاسة على النار هنخلط جميع المكونات.
هنستمر فى التقليب لحد ما الخليط يتجانس وبكده يصبح جاهز للتقديم.
بعد ما السمكة تخرج من الفرن هنضيف عليها الصوص وبالهنا والشفا.
ملاحظات

للتأكد ان السمكة استوت هنغرز فيها سكين, لو بيمر فى لحم السمكة بسهولة يبقى السمكة استوت.






صينية سمك بالطحينة



طبق مختلف وطعمة مميز من المطبخ الشرقى



الوقت

وقت التحضير : 15 دقيقة
وقت الطهي : 20 دقيقة
الوقت الكلى : 35 دقيقة


الادوات المستخدمه

طاسة
معلقة خشب
صينية بايركس
وعاء زجاجي كبير
مضرب يد
جريل
المقادير

2 x معلقة كبيرة خل
2 x عدد بصل (حلقات)
2 x معلقة كبيرة عصير ليمون
1 x كوب طحينة
1 x رشة كمون
1 x معلقة كبيرة زيت عباد شمس
1 x كوب ماء
1 x رشة فلفل اسود مطحون
1 x رشة ملح
½ x كيلو سمك فيليه
½ x حزمة بقدونس طازج (مفروم)

الخطوات

يتبل السمك بالملح والفلفل والكمون وعصير الليمون.
ثم على جريل ساخنة جدا مدهونة بالزيت نشوى قطع السمك.
ثم فى طاسة على النار نضع معلقة من الزيت والبصل ونقلب حتى يصفر لونة.
ثم نحضر صينية وتدهن بالزيت ثم نضع بها البصل وفوقها قطع السمك المشوى.
نحضر الطحينة بوضعها فى وعاء عميق ونضيف لها الخل ونخفق ثم بالتدريج نضيف الماء مع الخفق المستمر نضيف البقدونس وتتبل بالملح والفلفل والكمون.
ثم تصب الطحينة فوق السمك .
ثم نضع الصينية فى الفرن عند درجة حرارة لمدة 20 دقيقة حتى ينضج يقدم ساخنا مع أرز أبيض وسلطة خضراء بالهنا والشفا.

صينية سمك بالبطاطس




وصفة سهلة وبسيطة من المطبخ الشرقى التقليدى

الوقت

وقت التحضير : 15 دقيقة
وقت الطهي : 30 دقيقة
الوقت الكلى : 45 دقيقة



الادوات المستخدمه

صينية
المقادير

4 x عدد طماطم (حلقات)
3 x عدد بصلة (حلقات)
3 x عدد ليمونة (حلقات)
2 x عدد فلفل أخضر حلو (واحد حلقات والاخر مقطع صغير)
2 x كيلو سمك (بورى)
1 ½ x كيلو بطاطس
1 x عدد رأس ثوم (مقشر ومفروم)
1 x رشة كمون
1 x رشة ملح (أو حسب الرغبة)
1 x حزمة عيدان كرفس
1 x رشة فلفل اسود مطحون (أو حسب الرغبة)
½ x كوب عصير ليمون
½ x كوب زيت عباد شمس

الخطوات

ينظف السمك جيدا ثم يصفى ويجفف من الداخل والخارج.
ثم يتبل بالملح والفلفل والكمون وعصير الليمون.
ثم يدق الثوم والكمون والفلفل الأخضر جيدا حتى ينعموا تماما.
بخليط الثوم والكمون نتبل البطاطس والسمك.
نرص البطاطس والكرفس في صينية مدهونة بالزيت ثم نضع فوقها السمك.
نوزع الزيت فوق السمك والبطاطس ثم نرص حلقات الطماطم والفلفل وحلقات الليمون.
نضعها في الفرن عند درجة حرارة 180 لمدة نصف ساعة أو لحين أن تنضج تقدم ساخنة بالهنا والشفا.




فيلية السمك المقرمش




خلطة بسيطة ومميزة لعمل فيلية السمك المقرمش

الوقت

وقت التحضير : 15 دقيقة
وقت الطهي : 15 دقيقة
الوقت الكلى : 30 دقيقة



الادوات المستخدمه

وعاء زجاجي كبير
معلقة قلي
مضرب يد
طاسة قلي
المقادير

1 x معلقة صغيرة ملح
1 x معلقة صغيرة باكينج بودر
1 x كوب زيت عباد شمس
1 x كيلو سمك فيليه (موسى)
¾ x كوب ماء (مثلج)
½ x معلقة صغيرة بودرة ثوم
½ x كوب نشا
½ x كوب دقيق
½ x معلقة صغيرة كمون

الخطوات

فى وعاء عميق ننخل الدقيق والنشا مع التوابل والملح.
ثم نعمل فجوة فى المنتصف ونضيف الماء ونخلط جيدا .
نعمل على تجفيف السمك جيدا ويرش بقليل من الدقيق.
يغمس السمك فى الخليط السابق ثم فى زيت ساخن غزير نقلى السمك حتى يأخذ لون ذهبى ينشل على ورق ماص للمادة الدهنية ثم يقدم مع سلطة خضراء وسلطة طحينة بالهنا والشفا.

[michel]

شكرا لك يا انسة ولاء

[walaa farouk]

ميرسى على مرورك

[Mary Naeem]

رووووووووووعة حببتي
ربنا يفرح قلبك

[walaa farouk]

ميرسى على مرورك الغالى