ببساطة السعادة مش فى اللمة ولا ف ال ١٠٠ صاحب ولا كل السلامات والتهانى والدعوات وكم الخروجات والفسح والصور و ...
السعادة فى سلام واحد بس فيه تحس بالأمان من جواك
فى سؤال عنك وعن احوالك من غير مناسبة
حد يهنيك وانت متأكد انه فرحان ليك من قلبه بجد
اللى يحسسك انه فخور بيك ويشجعك تنجح لانه بيتمنالك الخير
الدعوة اللى بتطلع من القلب بضمير وقت ضيق فى صلاة ليل او سجدة
الحكاية مش محتاجة ورقة فى حرم ولا شمعة فى مقام وصورة تقولك شوف انا ازاى فاكرك ، ولا جروب على الواتس بنتكلم فيه كل يوم بالساعات
دور على اللى يفتكرك حتى لو هتغيب ١٠٠ سنة
دور على اللى هيدعيلك وانت تحت التراب مش هيشير صورك على الفيس علشان ياخد كام لايك
دور على اللى عمره فى وقت زعل ما يجرحك بكلمة ولا يعايرك بعيبك
دور على اللى يقولك انا معاك مهما عملت ويفضل فى ضهرك سترك و غطاك و أمانك و ضميرك
على اللى يعدى معاك أو بيك المواقف الصعبة ومايقولش تعبت
البركة كانت فى أخو موسى مع انه كان واحد وماكنتش فى اخوات يوسف مع إنهم كانوا ١١ أخ ..لكنهم باعوه
