أسوأ " 10 " أنواع من المشاعر ممكن تمرّ بيها في حياتك ...

[Rena Jesus]

أسوأ " 10 " أنواع من المشاعر ممكن تمرّ بيها في حياتك ...

1_ لما تعيش أطول فترة من عُمرك " حد مِعطاء جداً "
فَـ تحصد بعد عطاءك ده كله " إساءة" ..
و كأن ذنبك الوحيد إنّك كنت إنسان أكتر من اللازم ...

2_ لما تحسّ إن أكبر جريمة عملتها في الحياة إنك "شخص صبور "
بتتحمّل كتير و قليل الشكوى .. واللي قُدامك بيستغلّ صبرك لِصالحه هو ..

3_ لمّا تندم على شعور حلو أو إحساس بالحب حسيته تجاه حد معيّن نتيجة لمواقفه و تصرّفاته السيئة معاك بإستمرار..

4_ لمّا تحزن وما تلاقيش الإيد اللى تطبطب عليك ..
و لو طبطبت النهاردة ما بتكمّلش معاك بقية العُمر نتيجة للظروف .. أو تغيّر النفوس ..

5_ لمّا تعجز إنك تنقذ حد قريب منّك من الغرق في متاهات الحياة أو تعجز إنّك تمنعه يكمّل في طريق مسدود ..
أو تفشل إنّك تحميه من نفسه حتى ..

6_ لمّا تكون بين أهلك وأصحابك وأصدقائك وناسك و رغم كده تحسّ إنك أكتر حد وحيد في الدُنيا و اللي حواليك عبارة عن فراغ ..
و دي اسمها غُربة الشعور ..

7_ غُربة النفس ؛ المغترب عن نفسه ده حد ضايع بين الفواصل ؛
لا قادر يوصل للشئ اللى بيتمناه ولا قادر يكمّل مع شخص بيحبّه ..
مش عارف يلاقي حد ولا شئ ..لأنه في الأساس مش لاقي نفسه محبوس جوّا زنزانته ..

8_ لما تعيش قصة حُب وتكتشف في نهايتها إنك كنت مُجرّد كومبارس ..
مش " البطل " ..كنت مُجرّد مُتفرّج و اتلعب عليك دور البراءة بإحتراف ..
والعشق اللى قدّمته كان "وهم متوّج بالخذلان" ..

9_ لمّا تعيش الظُلم من أقرب الناس ليك ويموت فيك دِفاعك عن نفسك .

10_ لما يسقط يوميا ًقُدامك قناع ورا قناع لأشخاص كنت فاكرهم أغلى هدايا وَصلتك مِن القَدَر ..
و تكتشف إنهم عبارة عن كوكبة من الزِيف والخِسّة "

[Mary Naeem]

لمّا تعيش الظُلم من أقرب الناس ليك ويموت فيك دِفاعك عن نفسك
ربنا يبارك حياتك

[walaa farouk]

ميرسى على مشاركتك الجميلة
ربنا يبارك تعبك

[Rena Jesus]

ميرسى لمروركم الغالى

[marit jesus]

فعلا كلام صح جدا
ربنا يباركك

[Rena Jesus]

ميرسى لمرورك الغالى