ابشالوم الهادم لبيت ابوه

[walaa farouk]

أبشالوم 👲
او زى ما تقول كدة كائن الأبشالوم :-D
أبشالوم ده واحد من اولاد الملك داود 👑
ابن عاق لابوه زى ما بيقولوا ..لدرجة إن أبشالوم قتل أخوه أمنون إنتقاماً لاخته ثامار و هرب 😮
و حزن داود جداً على موت أمنون ابنه 😟
بس داود سامح أبشالوم و رجعه يعيش معاه 😃
و برضه أبشالوم يحرق حقل كبير ل يوأب (احد رجالة الملك داود) 😈
و يتزمر أبشالوم و يقول هو رجعنى اعيش معاه ليه ..
انا خير ليا إن أعيش بعيد عنه لوحدى👆
و برضه داود يسامحة و يقبله :-)
أبشالوم جاتله فكرة .. نزل ابتدأ يقرب من الناس ..
لحد فى يوم قرر إنه يعمل ثورة على الحكم ✌😮
على أبوه و مش كدة و بس ده أخد مشورة أخيتوفل ضد أبوه 😈
وفعلا الشعب قام بثورة ضد الملك .. و هرب الملك داود 😥
و بعدها جه الوقت تحصل فيه حرب بين رجال داود و أبشالوم 🔫
بس الغريب إن داود يقول لرجاله "ترفقوا لى بالفتى أبشالوم" :-)
و بعد الحرب ما انتهت أبشالوم مات ..
حزن داود جداً وبكى على ابنه 😭
و كان بيقول "يا ابنى أبشالوم، يا ابنى، يا ابنى أبشالوم يا ليتنى مت عوضاً عنك" 😥
تخيل و انت بتشتم و بتدين و بتقتل اخوك (ولو بكلامك) و ابوك برضه بيسامحك :-)
تخيل نفسك و انت أبشالوم الشاب الثورجى العظيم✌💪
اللى بيعمل ثورة وانقلاب و بيناضل ضد ابوه و أمه (الكنيسة) 😏
تخيل ابشالوم اللى قاعد جوه بيت الملك و ماسك موبايله بيكتب كلام ضد الملك و ينتقد بيته 😔
تخيل ابشالوم اللى بيدين الخدام و الخدمة
و تقصيرهم و ضعفهم كبشر :-( و مش عاجبه الأفتقاد و الأنشطة و الاجتماع فى بيت أبوه 😕
وراح يدور بره .. بس المشكلة أنه راح يسمع من أخيتوفل 😉
كفاية يا أبشالوم بتهد فى بيت أبوك
و ناس كتير عمى بيمشوا وراك 😟
مترميش ودانك ل اخيتوفل 👂
ابشالوم لو كان رجع مرة واحدة بس وفكر ازاى يقعد يكلم مع ابوه✋
و يشوف التقصير فين والمشكلة و يحاول يساعده فى الخدمة و امور الشعب الكبير ده :-D
ابوه كان هيحبه اكتر و اكتر وهيخليه يملك من بعده 👑
وكفاية انه بالرغم من اللى عمله فى ابوه
إلا إن أبوه لسة بيحبه ❤️ 😄
ناس_زمان :-D

[Mary Naeem]

ابوه كان هيحبه اكتر و اكتر وهيخليه يملك من بعده
وكفاية انه بالرغم من اللى عمله فى ابوه
إلا إن أبوه لسة بيحبه

مشاركة جميلة جدا
ربنا يبارك حياتك

[walaa farouk]

ميرسى على مرورك الغالى