|
 |
 |
 |
|
رقم المشاركة : ( 1 )
08 - 10 - 2017, 07:51 PM
|
|||||||||||
|
|||||||||||
 تعالوا نتكلم بالمنطق بعيداً عن اي تعصب الصورة دي من اقوى الصور اللي مرت قدامي خلال الفترة الزمنية اللي بعشيها لو جينا نحللها من وجهة نظر جنائيه فالناس دي اتدبحت مش علشان سرقوا ولا زنوا ولا قتلوا ولا غيره الناس دي اتدبحت علشان دينهم ودي اول كارثه وهي سياسة عدم قبول الأخر ونفور فئه من فئة اخرى بالاضافة الي ان مجموعه تحط نفسها مكان الخالق وتقرر بينها وبين نفسها مين يستحق الحياة ومين يستحق الموت ، فدي كارثه كبيرة تانيه بخلاف ان ناس مايعجبهاش الكلام ويقولوا غاروا في داهيه ويقعدوا يحللوا شهداء ولا مش شهداء ، فدي كارثة تالته تاني نقطة احب اتكلم عنها " بشاعة الموته " انك تستنى الموت ، ومش بطريقة عادية .. لأ دي سكينه رايحه جايه على رقبتك لحد ماتقطع الجلد ثم تفصل الرقبه كاملة .. اسلوب بشع .. ايذاء نفسي قبل مايكون جسدي واهلك اللي هايشفوك وانت بتدبح ، مش مجرد خبر وهايوصلهم ده الواحد لما بيتأخر بره بيكون قلقان على قلق اهله عليه مابالك بقى بيشفوك وانت بتدبح !! الموضوع لا يحتمل بكل المقاييس ... نيجي بقى نحللها من منظور نفسي حطيت نفسي للحظة مكان الشخص اللي هايتدبح وتخيلت ممكن يكون بيفكر في ايه عارف لما واحد يموت في حادثه ؟؟ مابيلحقش يفكر في حاجه عارف لما واحد يموت برصاصه ؟؟ برده مابيلحقش يفكر في حاجه طيب عارف لما حد يموت في كنيسة متفجر !! الأمر كذلك لكن كون انك تكون عارف انك هتموت بعد خمس دقايق وحياتك هاتنتهي ، وهاتروح عالم ماتعرفش عنه حاجه ، وكل تخيلاتك عن الأخرة وما بعد الموت هاتتجسد ليك بشكل حقيقي وهاتعيشها وهاتشوفوها بنفسك دي اول حاجه ممكن العقل يسرح فيها .. انا رايح فين ، هشوف ايه ، هحس بأيه !! تاني حاجه .. انا سايب ورايا مين ابويا ، هايتحمل الخبر !! امي ، هاتقدر تعيش من بعدي !! زوجتي ، فيه حد هايقدر يسندها ويعولها غيري !! عيالي مين هايرعاهم ويوفرلهم اللقمة .. هياكلوا ولا هايجوعوا ، هايتعلموا ولا هايتشردوا ، هايرتاحوا ولا هايتبهدلوا ، هايرفعوا روسهم لفوق ولا هيخافوا ويداروها ،، هايلاقوا اللي يحن عليهم ويحتضنهم !! اخواتي ، اصحابي ، جيراني ، مستقبلي ، فلوسي ، تعبي ....... الخ كل ده كان ممكن يتحل لمجرد انهم ينكروا ايمانهم اللي بيتدبحوا بسببه لكن تمسكهم بيه للنفس الأخر ... هي مرحلة ثقه في اللي خالق مرحلة اسمها ، كنت ماسك معايا دفة حياتي انا واسرتي ، لكن دلوقتي هاتمسكها لوحدك .. ثقه كامله ان الله هايرعى ويداوي ويصبر ويعول ويهتم ... هي مرحلة الحب اللا نهائي والغير محدود في شخص الله القدوس الحي مرحلة اسمها صلبت من اجلي وها انا اذبح اليوم من اجلك .. يقول الله اعطوني العشور وجربوني فما هي مكافأة من يعطي روحه بالكامل !! يقول لهم الرب اليوم تكونوا معي في الفردوس ويقول لنا ، تمثلوا بإيمانهم ويقول لأسرهم .. أنا الرب الهكم الممسك بيمينكم القائل لكم لا تخافوا انا اعينكم ... 
|
|
09 - 10 - 2017, 11:19 AM
|
رقم المشاركة : ( 2 ) | ||||
|
† Admin Woman †
|
رد: صلبت من اجلي وها انا اذبح اليوم من اجلك
يقول لهم الرب اليوم تكونوا معي في الفردوس
ويقول لنا ، تمثلوا بإيمانهم ويقول لأسرهم .. أنا الرب الهكم الممسك بيمينكم القائل لكم لا تخافوا انا اعينكم ... |
||||
|
|
|
09 - 10 - 2017, 07:25 PM
|
رقم المشاركة : ( 3 ) | ||||
|
..::| الإدارة العامة |::..
|
رد: صلبت من اجلي وها انا اذبح اليوم من اجلك
ميرسى كتير على مرورك الغالى  |
||||
|
|
 |
|
| قد تكون مهتم بالمواضيع التالية ايضاً |
| الموضوع |
| الخطية عندما سلبت الله من الإنسان سلبت منه كل شئ |
| من اجلي ومن اجلك الي المنتهي أحبنا 🎼♥ |
| مات المسيح من اجلي و من اجلك |
| من اجلى انا صلبت وذوقت الموت |
| من اجلي ومن اجلك |
العرض العادي
