أهل قتيل قناة "مودرن" لـ"الوطن": "حسبنا الله ونعم الوكيل في اللي قتل أحمد"
"مش هنشوف حنان من بعدك هتوحشني أوي يابابا".. هكذا تقول إيمان الابنة الكبرى للمجني عليه "أحمد فوزي"، والذي عُثر عليه مقتولا في إحدى مصارف ترعة بمركز إيتاي البارود بالبحيرة.
أحمد فوزي، اختفى منذ 15 يوماً بعد انتهائه من تصوير عدة تقارير، في طريق عودته إلى منزله بقرية محلة منوف بمركز طنطا، وهو أب لـ 3 أبناء إيمان 17 سنة، وسليمان 15 سنة، ومحمد 10سنوات.
وأضافت: "كل الناس في القرية بتحب أبويا. بابا كان طيب وآخر يوم اللي هو يوم الأربعاء بابا بيدينى مصروف الشهر وأدانى فلوس كتير، وقال عشان محرمكيش من حاجة ولما ـموت تقولى الله يرحمك يابابا" ، وأنهت إيمان حديثها قائلة "ماما في حالة انهيار عصبي مش بتتكلم مع حد وأخويا محمد عمال يعيط وبيقول لما حد فيكوا يزعلني هعمل إيه. الأول كنت بتصل على بابا هو يجبلي حقي".
يقول "عمرو" شقيق المجني عليه، أن أخاه كان محبوبًا من الجميع وبيخدم الناس كلها، وهو كان محدد فرح بنته ايمان بحلول عيد الأضحى.
وأضاف: "أنهم حرروا محضراً باختفاء شقيقه، وتلقوا اتصالاً من قسم الشرطة أبلغوه بالعثور على جثة ملقاه في"ترعة" بمركز إيتاي البرود، وأنه تعرف عليه ولاحظ إصابته بالرأس، وطالب الأجهزة الأمنية بسرعة الكشف عن مرتكبي الواقعة والقصاص منهم، وأنهى حديثه قائلاً: "حسبي الله ونعم الوكيل في اللي قتل أحمد وربنا مش هيسيب حقه".
الوطن
03 - 03 - 2013, 06:45 AM
العرض العادي
